خیبر پختونخوا میں سیکیورٹی فورسز کا آپریشن، 9 خواج ہلاک

image

راولپنڈی: خیبر پختونخوا میں سیکیورٹی فورسز کی 2 مختلف کارروائیوں میں 9 خوارج ہلاک ہو گئے۔ آپریشن کے دوران 2 جوان شہید ہوئے۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے ضلع مہمند میں خفیہ اطلاعات پرآپریشن کیا۔ جس میں 7 خوارج ہلاک ہوئے۔ جبکہ آپریشن کے دوران شدید فائرنگ کے تبادلے میں 2 جوان مادرِ وطن پر قربان ہو گئے۔

شہید ہونے والوں میں حوالدار محمد زاہد اور سپاہی آفتاب علی شامل ہیں۔

ڈیرہ اسماعیل خان (ڈی آئی خان) کے علاقے مڈی میں جھڑپ کے دوران 2 خوارج ہلاک ہوئے۔ ہلاک ہونے والے خوارج کے قبضے سے اسلحہ اور گولہ بارود برآمد ہوا۔

یہ بھی پڑھیں: پی ٹی آئی رہنماؤں کی بانی سے ملاقات کی درخواست مسترد

مارے جانے والے خوارج دہشتگردی کی متعدد کارروائیوں میں ملوث تھے۔ علاقے میں ممکنہ دہشتگردوں کےخاتمے کے لیے کلیئرنس آپریشن جاری ہے۔

ترجمان پاک فوج کے مطابق سیکیورٹی فورسز ملک سے دہشتگردی کے خاتمے کے لیے پرعزم ہیں۔


News Source   News Source Text

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.