الی وڈ کی فلم ’ونڈر وومن‘ سے شہرت کی بلندیوں پر پہنچنے والی اسرائیلی اداکارہ گیل گیڈوٹ کو ہالی وڈ کے واک آف فیم میں شامل کرنے کی تقریب فلسطین اور اسرائیل کے حامیوں کے احتجاج کے باعث افراتفری کا شکار ہوگئی۔عرب نیوز کے مطابق ’واک آف فیم‘ کی یہ تقریب منگل کو ہالی وڈ میں ایل کیپیٹن کے قریب اُسی روز منعقد ہوئی جس دن اسرائیل نے 19 جنوری کی جنگ بندی کے بعد غزہ پر شدید ترین بمباری کی۔ گیل گیڈوٹ اپنے اہلِ خانہ، دوستوں اور ساتھیوں کے ہمراہ اس تقریب میں شریک ہوئیں۔’فاسٹ اینڈ فیوریئس‘ کے شریک اداکار وین ڈیزل اور ’ونڈر وومن‘ کے ڈائریکٹر پیٹی جینکنز بھی اس موقعے پر موجود تھے۔فلسطین کے حامی مظاہرین نے ’فلسطینیوں کی طرح لڑو‘ اور ’لانگ لیو پیلسٹائن‘ کے پلے کارڈز اٹھا رکھے تھے اور وہ ’آزادی‘ کے حق میں ’قبضے‘ کے خلاف جیسے نعرے لگا رہے تھے۔دوسری جانب اسرائیل کے حامیوں نے اسرائیلی جھنڈے اٹھا رکھے تھے اور انہوں نے گیل گیڈوٹ کے ساتھ یکجہتی کا اظہار کیا۔احتجاج کے باعث یہ تقریب 15 منٹ کی تاخیر سے شروع ہوئی۔ کشیدگی میں اس وقت اضافہ ہو گیا جب فلسطین کے ایک حامی نے مخالف مظاہرین میں سے ایک شخص سے اسرائیل کا جھنڈا چھین لیا۔اس موقعے پر پولیس نے بعض مظاہرین کو نظربند کردیا، تاہم کسی کو گرفتار کرنے کی اطلاع نہیں ملی۔
واضح رہے کہ اداکارہ گیل گیڈوٹ نے اسرائیلی فوج میں بھی خدمات انجام دے رکھی ہیں اور وہ 7 اکتوبر 2023 کو حماس کے حملے کے بعد اسرائیل کی کھل کر حمایت کر رہی ہیں۔
انہوں نے اپنے پلیٹ فارم کے ذریعے مغویوں کی رہائی کے لیے بھی آواز بلند کی۔ہالی وڈ میں منعقد ہونے والی تقریب میں گیل گیڈوٹ نے اپنے فلمی سفر، اپنی کامیابیوں کا زیادہ ذکر کیا اور کہا کہ ’میں اسرائیل کے ایک قصبے سے تعلق رکھنے والی لڑکی ہوں۔‘ان کا مزید کہنا تھا کہ ‘مجھے ملنے والے یہ ستارہ مجھے میری محنت، جذبے اور اس یقین کی یاد دلائے کہ کچھ بھی ممکن ہےگیل گیڈوٹ کی آںے والی فلم ’سنو وائٹ‘ ہے جو رواں برس 21 مارچ کو سنیما گھروں میں ریلیز ہو رہی ہے۔