لاہور ایئرپورٹ پر کسٹم حکام نے بینکاک سے آنے والے ایک مسافر سے کروڑوں روپے مالیت کے آئی فونز برآمد کر لیے ہیں۔ یہ کارروائی سمگلنگ کی کوشش کو ناکام بنانے کے لیے کی گئی۔
کسٹمز حکام کے مطابق، بینکاک سے آنے والے لاہور کے رہائشی مسافر ملک شاہد حسین کے سامان سے قیمتی آئی فونز برآمد ہوئے جن کی مالیت کروڑوں روپے بنتی ہے۔ کسٹمز حکام نے مسافر کو حراست میں لے کر مقدمہ درج کر لیا ہے۔
کسٹمز کے ترجمان نے کہا کہ پنجاب کے تمام ایئرپورٹس پر سمگلنگ کی روک تھام کے اقدامات مسلسل جاری ہیں۔ یاد رہے کہ گزشتہ ماہ جناح انٹرنیشنل ایئرپورٹ پر بھی کسٹمز حکام نے 60 لاکھ روپے مالیت کے 62 آئی فونز کی اسمگلنگ کی کوشش ناکام بنائی تھی۔