حکومت نے بجلی صارفین سے کی گئی اضافی وصولیاں واپس کرنے کا فیصلہ کر لیا، جبکہ بجلی کی قیمت میں 30 پیسے فی یونٹ کمی کا امکان ہے۔
نیپرا اتھارٹی آج اس حوالے سے درخواست پر سماعت کریگی، سینٹرل پاور پرچیزنگ ایجنسی (سی پی پی اے) نے فروری کی ماہانہ فیول ایڈجسٹمنٹ کی درخواست دائر کردی، جس میں بجلی کی قیمتوں میں کمی کی تجویز دی گئی ہے۔
ملک میں جلد بجلی کی قیمتوں میں کمی کردی جائے گی، اویس لغاری
فروری میں مجموعی طور پر6 ارب 49 کروڑ 50 لاکھ یونٹس بجلی پیدا کی گئی جبکہ بجلی کمپنیوں کو6 ارب 66 کروڑ 60 لاکھ یونٹس فراہم کی گئیں۔
سی پی پی اے کے مطابق فروری میں بجلی کی فی یونٹ لاگت 8 روپے 22 پیسے رہی، جبکہ ریفرنس لاگت 8 روپے 52 پیسے مقرر تھی۔
نیپرا کی جانب سے آج ہونے والی سماعت کے بعد بجلی کی قیمتوں میں کمی کا حتمی اعلان متوقع ہے، جس سے عوام کو ریلیف ملنے کی امید ہے۔