پاکستان ٹیلی کمیونیکیشن اتھارٹی (پی ٹی اے) نے ملک بھر میں تمام موبائل سمز صارف کے اپنے نام پر رجسٹرڈ کروانا لازمی قرار دے دیا ہے۔ پی ٹی اے کے مطابق کسی دوسرے شخص کے نام پر رجسٹرڈ سم کا استعمال قانون کے خلاف ہوگا۔
اتھارٹی نے غیر قانونی اور غیر رجسٹرڈ سمز کی مرحلہ وار بندش کا عمل بھی شروع کر دیا ہے۔ پی ٹی اے کا کہنا ہے کہ سم کے کسی بھی قسم کے غلط استعمال کی مکمل ذمہ داری رجسٹرڈ صارف پر عائد ہوگی، جبکہ صارفین اپنی سمز اور ٹیلی کمیونیکیشن کنکشنز کے استعمال کے خود ذمہ دار ہوں گے۔
پی ٹی اے کے مطابق کالز، پیغامات اور انٹرنیٹ ڈیٹا کے استعمال سے متعلق مقررہ ضوابط کی پابندی لازم ہے، اور خلاف ورزی کی صورت میں قانونی کارروائی عمل میں لائی جا سکتی ہے۔