محکمہ تعلیم پنجاب کی جانب سے عید کی تعطیلات کے بعد اسکولوں کیلئے نئے اوقات کار جاری کر دیئے گئے ہیں۔
اس ضمن میں جاری نوٹی فیکشن کے مطابق سنگل شفٹ اسکولز صبح 8 بجے لگا کریں گے ،چھٹی ڈیڑھ بجے ہو گی جب کہ سنگل شفٹ اسکولز کو جمعہ کے روز 12 بجے چھٹی ہو گی۔
نوٹی فیکشن کے مطابق ڈبل شفٹ میں صبح 8 بجےا سکولز لگیں گے، چھٹی ساڑھے 12 بجے ہو گی۔ جب کہ ڈبل شفٹ اسکولز کو جمعہ کے روز دوپہر 12 بجے چھٹی ہوا کرے گی۔
پنجاب میں اسکول، کالجز و جامعات میں عیدالفطر کی تعطیلات کا اعلان
اس کے علاوہ سیکنڈ شفٹ میں اسکولز دوپہر 1 بجے لگیں گے،چھٹی شام ساڑھے 5 بجے ہوگی، سیکنڈ شفٹ میں جمعہ کے روزا سکول اڑھائی بجے لگا کریں گے۔
نوٹی فیکشن کے مطابق نئے اوقات کار کا اطلاق 7 اپریل سے ہوگا اور 15 اکتوبر تک نافذ رہیں گے۔