کاروباری ہفتے کے چوتھے روز ملک بھر میں سونے کی فی تولہ قیمت تاریخ کی نئی بلند ترین سطح پر پہنچ گیا ہے۔
آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں 3200 روپے کا اضافہ ہوا جس کے بعد فی تولہ سونا 3 لاکھ 21 ہزار روپے کا ہوگیا۔
سعودی عرب،بدعنوانی کے الزام میں 82 سرکاری ملازمین گرفتار
اسی طرح 10گرام سونا 2743 روپے مہنگا ہوکر 2 لاکھ 75 ہزار 205 روپے کا ہوگیا، یاد رہے گزشتہ روز ملک میں سونے کی قیمتیں برقرار رہی تھیں۔
کس ملک کے پاس کتنا سونا؟
دنیا بھرمیں سونے کے ذخائر کے حوالے سے امریکا پہلے نمبر پرہے جبکہ ایشیا میں یہ اعزاز چین کے پاس ہے،بھارت عالمی سطح پر آٹھویں اورایشیا میں دوسرے نمبر پر ہے، پاکستان عالمی فہرست میں 49 ویں نمبر ہے۔
رپورٹ کے مطابق امریکا، جرمنی اور اٹلی سونے کے ذخائر کے حوالے سرفہرست ہیں، ایشیاء میں چین اور بھارت سونے سب سے زیادہ ذخائر رکھتے ہیں۔
وفاقی بیوروکریسی میں اعلیٰ افسران کے بڑے پیمانے پر تقرر و تبادلے
ورلڈ گولڈ کونسل کے مطابق مختلف ممالک کے مرکزی بینکوں نے 2024ء میں 1,000 میٹرک ٹن سے زائد سونا خریدااور پچھلی دہائی کی اوسط سالانہ خریداری کے تقریباً دگنا کے برابر ہے۔
اسی وجہ سے مرکزی بینک سونے کے بڑے ذخیرہ کار ہیں، جو تاریخ میں کان کُنی کے ذریعے نکالے گئے مجموعی سونے کا تقریباً پانچواں حصہ رکھتے ہیں۔