پاکستانی فوج نے صوبہ خیبر پختونخوا میں تین مخلتف آپریشنز میں 15 شدت پسندوں کو ہلاک کیا ہے۔پاکستانی فوج کے شعبہ تعلقات عامہ (آئی ایس پی آر) کی جانب سے سنیچر کو جاری ہونے والے بیان کے مطابق ’25 اور 26 اپریل کو صوبہ خیبر پختونخوا میں تین مخلتف کارروائیوں میں 15 خوارج ہلاک ہوئے۔‘’سکیورٹی فورسز نے ضلع کرک میں خفیہ معلومات کی بنا پر آپریشن کیا۔ آپریشن کے دوران فوجیوں نے خوارج کو مقابلہ کیا جس کے نتیجے میں آٹھ خوارج ہلاک ہو گئے۔ ضلع شمالی وزیرستان میں ایک اور آپریشن میں چار خوارج ہلاک ہوئے تاہم شدید فائرنگ کے تبادلے میں دو فوجی بہادری سے لڑتے ہوئے جان کی بازی ہار گئے۔‘
آئی ایس پی آر کے مطابق ’تیسرا آپریشن ضلع جنوبی وزیرستان کے علاقے گومل زم میں کیا جس میں تین خوارج ہلاک ہوئے۔‘
بیان میں کہا گیا ہے کہ ہلاک ہونے والے خوارج دہشت گردی کی مختلف کارروائیوں میں ملوث تھے اور ان سے اسلحہ بھی برآمد ہوا ہے۔