آئی پی ایل کا کہنا ہے کہ معطلی کا فیصلہ گورننگ کونسل نے ’تمام اہم سٹیک ہولڈرز کے ساتھ مشاورت کے بعد لیا ہے‘۔ ادھر پاکستان اور انڈیا کے درمیان جاری کشیدگی کے دوران دونوں ملکوں کے درمیان موجود لائن آف کنٹرول پر فائرنگ اور گولہ باری کا سلسلہ رات بھر جاری رہا، جس کے بعد دونوں اطراف کے حکام نے ہلاکتوں کی تصدیق کی ہے۔
- انڈیا اور پاکستان کے درمیان جاری کشیدگی کے پیش نظر انڈین پریمیئر لیگ کے میچز ایک ہفتے کے لیے ملتوی کر دیے گئے ہیں۔ جبکہ پی ایس ایل کو متحدہ عرب امارات میں منتقل کر دیا گیا ہے۔
- گذشتہ شب انڈیا نے پاکستان پر اپنے تین فوجی اڈوں پر میزائل اور ڈرون حملے کا الزام لگایا تھا جس کی اسلام آباد نے تردید کی تھی۔
- پاکستان کے وزیر اطلاعات عطا اللہ تارڑ نے دعویٰ کیا ہے کہ اب تک پاکستان نے انڈیا کے 77 ڈرونز مار گرائے ہیں۔ اس سے قبل پاکستان نے پانچ انڈیا طیارے گرانے کا دعویٰ کیا تھا۔ انڈّیا نے تاحال اس پر تبصرہ نہیں کیا۔
- لائن آف کنٹرول پر فائرنگ اور گولہ باری سے دونوں طرف جانی و مالی نقصان ہوا ہے۔
- عالمی رہنماؤں نے دونوں ملکوں سے تحمل اور تناؤ میں کمی کا مطالبہ کیا ہے۔ جبکہ امریکی نائب صدر جے ڈی وانس نے کہا کہ انڈیا اور پاکستان کے درمیان ممکنہ جنگ سے 'ہمارا کوئی لینا دینا نہیں۔'
دنیا کا سب سے بڑا کرکٹ ٹورنامنٹ آئی پی ایل ایک ہفتے کے لیے معطل، لائن آف کنٹرول کے دونوں طرف جانی و مالی نقصان
