وزیراعظم شہباز شریف نے کہا ہے کہ جولائی2024 تا اپریل 2025 ترسیلات زر 31.2 ارب ڈالر کی بلند ترین سطح پر پہنچ گئیں۔
ترجمان وزیراعظم ہاؤس کے مطابق وزیراعظم شہباز شریف نے رواں مالی سال کے ابتدائی 10 ماہ کے دوران بیرون ملک مقیم پاکستانیوں کی جانب سے ترسیلات زر میں 31 فیصد کے ریکارڈ اضافے پر اظہار اطمینان کیا ہے۔
وزیراعظم شہباز شریف نے کہا ہے کہ جولائی2024 تا اپریل2025 کی مدت میں ترسیلات زر 31.2 ارب ڈالر کی بلندترین سطح پرپہنچ گئی ہیں۔
انہوں نے کہا کہ ترسیلات زر میں ریکارڈ اضافہ معاشی پالیسیوں پر اعتماد کا اظہار ہے، بیرون ملک مقیم پاکستانی ملکی معیشت کی ترقی میں مرکزی کردار ادا کررہے ہیں۔
وزیراعظم شہباز شریف نے کہا کہ حکومت ملکی معیشت کی ترقی کے لیے پرعزم ہے۔