متحدہ عرب امارات کے حکمران خاندان النہیان نے 305 ارب ڈالرز کے اثاثوں کی وجہ سے دولت مندی میں دنیا کے تمام خاندانوں کو پیچھے چھوڑ دیا ہے۔
ابوظہبی کا النہیان خاندان امریکی جریدے بلومبرگ کی رپورٹ کے مطابق دنیا کے سرفہرست 25 امیر ترین خاندانوں میں پہلے نمبر پر پہنچ گیا ہے۔
امیر ترین 25 خاندانوں میں امریکا کے 8، فرانس کے 4، جرمنی کے 3 ،متحدہ عرب امارات، قطر، سعودی عرب، بھارت، کینیڈا، سوئٹزرلینڈ، بلجیم، انڈونیشیا، اٹلی اور ہانک کانگ کا ایک ایک خاندان شامل ہے۔
بلومبرگ کی رپورٹ کے مطابق 2023 میں النہیان خاندان 305 ارب ڈالرز کے ساتھ پہلے، دوسرے نمبر پر والٹن خاندان، تیسرے پر فرانسیسی لگژری فیشن ہاؤس ہرمیس کے مالکان موجود ہیں۔
اس لسٹ میں امریکا کا خاندان مارس چوتھے،قطر کا شاہی خاندان الثانی پانچویں،امریکی کوچ انڈسٹریز کے مالکان چھٹے،سعودی عرب کا شاہی خاندان السعود ساتویںنمبر پر موجود ہے۔
بھارت کے ریلائنس انڈسٹریز کے مالکان امبانی خاندان آٹھویں،نویں پر فرانس کے لگژری فیشن ہاؤس کے مالکان،دسویں نمبر پر کینیڈا کے میڈیا ہاؤس تھامس رائٹر کے مالکان ہیں۔