امریکہ میں جڑواں بچوں کی پیدائش میں ایک سال کا فرق جان کر سوشل میڈیا صارفین حیرانگی کا اظہار کر رہے ہیں کہ آخرایسا کیسے ممکن ہوسکتا ہے۔
امریکی ریاست نیو جرسی کے جوڑے کے ہاں جڑواں بچوں کی پیدائش عمل میں آئی جو مختلف سالوں میں پیدا ہوئے۔
عذرا ہمفری کی پیدائش 31 دسمبر کی رات 11 بجکر 48 منٹ پر ہوئی جبکہ دوسرے بچے کی پیدائش یکم جنوری کی رات 12 بجکر 28 منٹ ہوئی۔
والد بلی ہمفری کا اس حوالے سے کہنا ہے کہ میں اپنی سالگرہ کے دن بچوں کی پیدائش پر بے حد پرجوش ہوں ہم اس دن اسپتال گئے لیکن مجھے یقین نہیں تھا کہ ان کی پیدائش آج ہوگی یا نہیں لیکن کم از کم ایک بچے کی پیدائش میری سالگرہ کے روز ہونا میرے لیے ایک خاص تحفہ ہے۔
ایو ہمری نے کہا کہ وہ تیس دسمبر کو اسپتال منتقل ہوئیں لیکن غلط وقت کی وجہ سے انہیں گھر بھیج دیا گیا تھا پھر وہ اگلے روز پھر اسپتال پہنچی تھیں۔
والد نے لکھا کہ نوزائئیدہ بیٹے اتنے خاص ہیں کہ وہ ایک ہی سال میں پیدا ہونے کا اشتراک بھی نہیں کرسکتے۔