سچ کے بادل

جھوٹ کے سارے پتلے جل مر جائیں گے
جب تو اور تیرے سچ کے بادل چھائیں گے

ظلم، جبر کے اندھیرے مٹ جائیں گے
جب تو اور تیرے سچ کے بادل چھائیں گے

جنگ و جدل کے سب طوفاں تھم جائیں گے
جب تو اور تیرے سچ کے بادل چھائیں گے

بش اور ٹونی سب کے سب گھبرائیں گے
جب تو اور تیرے سچ کے بادل چھائیں گے

چاند، ستارے، سورج، سب بجھ جائیں گے
جب تو اور تیرے سچ کے بادل چھائیں گے

ارض و سما اور پتھر دل پھٹ جائیں گے
جب تو اور تیرے سچ کے بادل چھائیں گے

فریادوں کے سب سر چپ ہو جائیں گے
جب تو اور تیرے سچ کے بادل چھائیں گے

ہم لا الہ الا للہ دہرائیں گے
جب تو اور تیرے سچ کے بادل چھائیں گے