Ussay Ijazat Hai Jee Bhar K Uljha'aye Mujhay!!!

Ussay Ijazat Hai Jee Bhar K Uljhaye Mujhay
Sharat Yeh Hai K Phir Wohi Suljhaye Mujhay

Jheel Si Aankho'n Mein Doob Janay Day Kabhi Woh
Adhoray Lafzo'n K Ma'ani Samjhaye Mujhay

Hum K Zamanay K Usolo'n Say Sada K Bagi
Ahel-E-Dill K Dasateer Koi Parrhaye Mujhay

Maan Lay Meri Yaa Phir Manwa Lay Apni
Shanshahun Ki Tarah Mukabil Mein Giraye Mujhay

Ab Kon Muhabat Mein Baad-E-Saba Dhonday
Baad-O-Baraa'n Har Lamha Jaha'n Sataye Mujhay

Janta Ho Gar Woh Meray Jazbo'n Ki Hakeekat
Lazim Hai K Fakat Phir Nibhaye Mujhay

Woh Milay Mujh Say Meray Akas Ki Surat
Sunay Meri Aur Apni Suna'aye Mujhay

Guzar Naa Jaen Jaa'n Say Hi Kahen Hum
Shouq Mein Itna Bhi Naa Aazma'aye Mujhay

Harf-E-Dua Ki Tarah Meray Lab Pay Theharnay Wala
Apnay Dast-E-Dua Mein Kabhi Thehara'aye Mujhay

Muhabat Gar Tajarat Hai Tu Karay Sudagari Bhi
Meri Wafao'n K Bhi Zara Daam Bata'aye Mujhay

Humhay Manzor Hai Amber Turak-E-Tualuk Bhi
Jeena Apnay Bina Magar Seekha'aye Mujhay