Ye Khoon Bahaya Kis Ne Hei?

(Ehl-E-Karachi K Nam)

Ay Ehl-E-Chaman Kuch Tum To Kaho
Ye Khoon Bahaya Kis Ne Hei???

Anjaa'n Na Bano, Ab Sach Bhi Kaho
Tum Ko Tarpaya Kis Ne Hei???

Is Sukh Or Chain Ki Nagri Ko
Khoo'n Mei Nehlaya Kis Ne Hei???

In Hastay Bastay Chehron Ko
Aakhir Jhulsaya Kis Ne Hei???

Is Aman-O-Amaa'n Ki Basti Ko
Sholo'n Se Jalaya Kis Ne Hei???

Is Insaano Ki Nagri Ko
Shamshan Bnaya Kis Ne Hei???

In Nazuk Nazuk Kalyo'n Ko
Aakhir Murjhaya Kis Ne Hei???

Is Nikhray Nikhray Gulshan Ko
Aakhir Dhundlaya Kis Ne Hei???

Ay Ehl-E-Chaman Kuch Tum To Kaho
Ye Khoon Bhaya Kis Ne Hei???