میں ڈرتا ہوں

میں ڈرتا ہوں

جب اندھیری رات
اور بارش کی ٹِپ ٹِپ
میرے دروازے پہ دستک د یتی ہیں
میں ڈرتا ہوں

جب انجان ارواح کا جُھرمٹ سیاہ بادلوں پہ
اذانوں کی آواز پہ
رقص کرتے ہیں
میں ڈرتا ہوں

جب ہوا کا زور دار جھونکا
میرے جسم ٹکرا کر
پیوند کی گا نٹھ کھولتا ہے
میں ڈرتا ہوں

زخموں کی تڑپ
اپنے اونی کپڑوں میں
جب کوئ چھپاۓ پھرتا ہے
میں ڈرتا ہوں

اور اب تو کیفیت یہ ہے
جب مسکراتے چہرے پر جوش جذبات
دیکھ کر
میں ڈرتا ہوں