میں یہاں ، تو وہاں
Poet: Tauqir Reza By: Tauqir Reza , Parisمیں یہاں ، تو وہاں
درمیاں. آندھیاں
میرے گھر سے ہوئیں
بدگماں ... آندھیاں
دھول سے لکھ گیئں
داستاں ... آندھیاں
دل میں چلنے کو ہیں
جان جاں ،، آندھیاں
ایک بوڑھا بدن
اور جواں آندھیاں
اک نشاں کر گئیں
بے نشاں، آندھیاں
میری وحشت کی ہیں
ترجماں ،آندھیاں
کس طرف لے اڑیں
بادباں... آندھیاں
اک سفر کر گئیں
رائیگاں .. آندھیاں
جانے کیا کہہ گئیں
بے زباں .. آندھیاں
Rate it: 
Views: 268
22 Apr, 2013
More General Poetry
