اکلاپا

اسی اڈدے پنچھی ڈاراں دے
ہر ویلے نال سی یاراں دے
ہن کوکاں مار کے رونے آں
اسی وینکوور دیاں باراں تے

کدی پیسہ اک نہ پلے سی
اک ٹٹی سایکل تھلے سی
ہن کی اے کارن روون دا
جد بیمر تھلے یاراں دے

اسی میٹرو ٹاون وی جانے آں
اسی بیچ تے کھے وی کھاندے آں
ساڈے چار چھپیرے بندے نے
پر دل نے تنہا یاراں دے

اسی اکلاپےدے مارے ہاں
اسی ڈالر نوٹ پجاری ہاں
کدی منجی ڈا کے سوندے سی
ہن تارے گن گن ہارے ہاں

پر فیرمیں سوچی پے جاندا
جد لہراں گن گن تھک جاندا
تیرے وس تے کچھ وی نی بندیا
توں قسمت دا ہی ہے ڈنگیا

جد قبر وی جانا کلیاں ای
جد حشروی اٹھنا کلیاں ای
فیر لونلی نیس داکی رونا
توں عمر گزار ہن کلیاں ای

اج دل کردا ہے نیر دا
کے سی این ٹاور چڑ جاواں
یاچھال مار کے نیاگرا توں
میں جیوندے جی ہی مر جاواں