یہ کیا ہو گیا ہے میرے دیس کو

یہ کیا ہو گیا ہے میرے دیس کو
یہاں قتل و غارت کیوں عام ہو گئی
کس کی ہے سازش ، یہ کس کا ہے کام
میری سر زمین کیوں بد نام ہو گئی

میں دیکھوں جدھر بھی کوئی رو رہا ہے
مگر منصفوں کا تو ضمیر سو رہا ہے
کہیں پے قاتل دستِ خون دھو رہا ہے
یہ کیا ہو رہا ہے ، یہ کیا ہو رہا ہے
رِدا کیوں حوا کی بے دام ہو گئی
یہ کیا ہو گیا ہے میرے۔۔۔۔

کیوں محفوظ نہیں ہیں یہاں گُل بدن
اَمن کا نشان ہے کہاں ہے اَمن
میرے قائد کی خواہشوں کا چمن
جبر ہی جبر کیوں ہوا ہے وطن
کیوں یہاں جرات و غیرت نیلام ہو گئی
یہ کیا ہو گیا ہے میرے۔۔۔۔