Add Poetry

تمہارے عشق میں بھی جاں جہاں بناتے ہیں

Poet: وشمہ خان وشمہ By: وشمہ خان وشمہ, ملایشیا

بدن سے روح تلک ہم کو جاں بناتے ہیں
تمہارے عشق میں بھی جاں جہاں بناتے ہیں

ہوا کے ساتھ اڑی ہے محبتوں کی مہک
یہ تذکرے مرے جو آسماں بناتے ہیں

وہ قحط لطف ہے ہر دم ترے فقیروں پر
ہزار وسوسہ آتش بجاں بناتے ہیں

تمہارے حسن کی تشبیب ہی کہی ہے ابھی
چراغ جلنے لگے آشیاں بناتے ہیں

جب اس کی بزم سے چل ہی پڑے تو سوچنا کیا
کہ عرصۂ غم ہجراں کہاں بناتے ہیں

بجا ہے زندگی سے ہم بہت رہے ناراض
یہ کیا طلسم ہے کیا امتحاں بناتے ہیں

کبھی وہ چہرہ ہی وشمہ دکھائی دیتا ہے
گلی سے روز نیا کارواں بناتے ہیں

Rate it:
Views: 338
04 Nov, 2018
Related Tags on Love / Romantic Poetry
Load More Tags
More Love / Romantic Poetry
Popular Poetries
View More Poetries
Famous Poets
View More Poets