بن تیرے جان من مرا سب کچھ فضول ہو

بن تیرے جان من مرا سب کچھ فضول ہو
چاہت ہی میری زندگی کا اب حصول ہو

اب ساری عمر تیری امانت ہے زندگی
جب کہہ دیا قبول مجھے تو قبول ہو

میں معتبر ہوں آپ کی بانہوں میں آگئی
ہجر و فراق اب مرے قدموں کی دھول ہو

ہر سمت ہے بہارمری رہگزر میں آج
خوشبو کا زندگی میں مری اب نزول ہو

موسم بہار عشق مرے دل میں کیا بسا
...یہ کائنات پیار کی خوشبوکے پھول ہو

آنکھوں میں تیرنے لگے چاہت کے جب کنول
حیرت زدہ سماج کے جو بھی اصول ہو

اترے ہیں آسمان سے تارے زمین پر
وشمہ مگر یہ چاند ہی میرا حصول ہو