تم مجھ سے محبت کرتے ہو

بس اِتنا گِلہ ہے مجھے تم سے
جب بات تم مجھ سے کرتے ہو
کیوں ہو جاتے ہو گُم صُم سے؟؟؟
خاموشی اوڑھ سی لیتے ہو
جو کہنا ہے کہہ نہیں پاتے
چُھپائے بیٹھے ہو جسے دل میں
بات لب پہ کیوں نہیں لاتے؟؟؟
میری چُپ پر آہیں بھرتے ہو
ظاہر ہے محبت کرتے ہو
جو پوچھوں تم سے۔۔۔” کیا ہُوا؟“
کچھ بھی کہنے سے ڈرتے ہو
سنو جاناں یہ ٹھیک نہیں
یوں ہمیں ستانا ٹھیک نہیں
تم مجھ سے محبت کرتے ہو
اب اور چُھپانا ٹھیک نہیں
اب اور مجھے تڑپانا مت
اب چُپ چُپ، گُم صُم مت رہنا
اب کہ جو میں پوچھوں تو
تم بس اِتنا کہہ دینا
تم مجھ سے محبت کرتے ہو
تم مجھ سے محبت کرتے ہو