Dil Tera Dard Sada Mangta Hai

Dil Tera Dard Sada Mangta Hai
Ye Diya Khud Se Hawa Mangta Hai

Aise Manga Tujhe Tujh Se Main Ne
Jaise Insan Dua Mangta Hai

Dasht Ki Dhoop Jala De Us Ko
Mera Saya Bhi Saza Mangta Hai

Dil Hai Be Rakht Musafir Lekin
Qurb_E_Sultan_E_Hara Mangta Hai

Chandni Misl_E_Kafan Utri Hai
Kon Maqtal Mein Qabaa Mangta Hai

Saamri Saanp Hain Wehmon Ke Hajoom
Shoq Moosa Ka Asaa Mangta Hai

Be Sada Shehr Mein Reh Kar MOHSIN
Sheir Ke Kehne Ka Sila Mangta Hai