Ek Hi Dharti Hum Sab Ka Ghar Jitna Tera Utna Mera

Ek Hi Dharti Hum Sab Ka Ghar Jitna Tera Utna Mera

dukh sukh ka ye jantar-mantar jitna tera utna mera

gehun chawal bantne vale jhuta taulen to kya bolen

yun to sab kuchh andar bahar jitna tera utna mera

har jivan ki vahi virasat aansu sapna chahat mehnat

sanson ka har bojh barabar jitna tera utna mera

sansen jitni maujen utni sab ki apni apni ginti

sadiyon ka itihas samundar jitna tera utna mera

khushiyon ke batvare tak hi unche niche aage piche

duniya ke mit jaane ka dar jitna tera utna mera