Kitny Mosam SarGarda'n thy Mujh sy Hath Milany mein..

Kitny Mosam Sargarda'n Thy Mujh
Sy Hath Milany Men

Main Ny Shayad Dair Laga Di Khud
Sy Bahir Aany Men

Ek Nigah Ka Sannata, Ik Aawaz Ka
Banjar Pann

Main Kitna Tanha Baitha Hun
Qurbat K Veerany Men

Bistar Sy Karwat Ka Rishta Toot
Gya Ik Yad K Sath

Khwab Sirhany Sy Uth Baitha
Takiye Ko Sirkany Men

Aaj Us Phool Ki Khushbu Mujh
Men Paiham Shor Machati Hy

Jis Ny Be'Had Ujlat Barti Khilny Or
Murjhany Men

Baat Banany Waali Raate'n Rang
Nikhaarny Waly Din

Kin Rasto'n Par Chorr Aaya Main
Umr Ka Sath Nibhany Men

Ek Malal Ki Gard Samety Main Ny
Khud Ko Paar Kiya

Kesy Kesy Wasl Guzary Hijr Ka
Zakhm Chupany Men

Jitny Dukh Thy, Jitni Umeede'n Sab
Sy Brabar Kaam Liya

Main Ny Apny Aainda Ki Ik Tasveer
Banany Mein