Koi Harf E Wafa Na Th

Manzil Ki Aarzoo Thi ,Koi Raasta Na Tha
Nikla Tha Jab Safar Pe Koi Rahnuma Na Tha

Nao Ki Khasgi Thi ,Hawa Tez Bohat Thi
Darya Ki Rawani Thi ,Koi Nakhuda Na Tha

Thi Zindgi Ki Aarzoo Tab Tak Hi Meray Dost
Tahleel E Dil Ka Hadisa Jab Tak Huwa Na Tha

Lab Wa Huway Tu Jhoomnay Gaanay Lagi Hyaat
Shyd Wo Naghma Uss Ne Azal Se Suna Na Tha

Har Warq Ki Tahreer Parhi Hai Hazaar Baar
Uski Kitaab Main Koi Harf E Wafa Na Tha

Ye Kaon Hain Jo Ashk Liyay Aai Hain Janaan?
Main Ne Kisi Se Muddaa Dil Ka Kaha Na Tha