Kya Karoon

zauro-jafaa ko kya karoon....
naaz-o-adaa o kya karoon,
ishq hai khud mera silaa...
ahad-o-wafaa ko kya karoon.

apni hayaat jawidaan.....
meri hayaat chand roz,
woh bhi to khud-nawaaz hai...
aise khuda ko kya karoon.

aaj to husn ko bhi....
meri nigaah ki talash hai...
jalwe hi be-naqaab hain...
rasm-e-hayaa ko kya karoon.

rooh main ik tarap bhi hai ...
zahan main kuch sawaal bhi.
sajde ko sar na jhukaa sakaa....
dast-e-duaa ko kya karoon.

kaawish-e-phan main, sach hai....
naam-o-namood ki hawas.
maut ke baad jo mile...
aise baqaa ko kya karoon.