Lamhon Main Toot Jate Hain Saloun K Silsilay

Jaaen Gain Door Tak Jo Khayaloun K Silsilay
Khud Un Se Aa Milain Gain Ujaloun K Silsilay

Kuch Es Liye Bhe Ho Gaey Gosha-Nashen Ham
Had Se He Barh Chale Thay Sawaloun K Silsilay

Fursat Nahi K Pursishe Ehwal Kar Sakain
Ham Jaante Hain Bholnay Walon K Silsilay

Rah-E-Wafa Kathin Hai Sambhal Kar Chalo Yahan
Lamhon Main Toot Jate Hain Saloun K Silsilay

Duniya Teray Faraib Main Anay K Ham Nahi
Ham Ne Bohat Parhay Hain Rasaloun K Silsilay

Muddat K Baad Aaey Hain Ghar Ko Jo Lout Kar
Paaey Hain Muntazir Wohi Jaloun K Silsilay

Tay Jab Talak Na Ho Ye Bayaban-E-Zindagi
Pairoun K Saath Saath Hain Chaloun K Silsilay