Masjid Nazar Aai Na Kaleesa

Masjid Nazar Aai Na Kaleesa Nazar Aaya
Sarkar Ko Mere Joo'nhi Allah Nazar Aaya

Joo'nhi Ye Khula Raaz K Butta Hai Ye Hasti
Manzir Ye Jahaa'n Ka Mujhhe Dhoka Nazar Aaya

MashghOOl Hua Yaad Mein Allah Ki Jis Pal
Bairoon E Bayaa'n Hai Mujhe Kya Kya Nazar Aaya

Main Ne Jo Nazar Daali Girebaan Mein Apne
Har Shakhs Hi Mere Sivaa Achha Nazar Aaya

Us Dar K Ghulamo'n Ki To Hai Shaan Shaahana
Us Dar Ka Gadaagar Mujhe Daata Nazar Aaya

Milta Hai Jise Jo Bhi Usi Dar Se Hai Milta
Us Dar Pe Mujhe Shaaho'n Ka Kaasa Nazar Aaya

Khud Sse Hua Vaaqif To ''Fassana'' Ko Ye Aalam
Maila Nazar Aya Va Tamasha Nazar Aaya