Mera Daaman Bhar Gaya

Teri Zulfo’n Ne Meri Shaano per Panah to Le Li
Lekin Tere Aansuon se Mera Daaman Bhar Gayaa

Kaise Batlaon, Uun Bheege Lamho’n Ki Daasta’n
Kisi Roothi Taqdeer ko, Achanak Raushan Kar Gayaa

Na Jane Kaunsi Saugaat De Gayaa Wo Mujhey
Ek hi Pal Mein, Rasm-e-Ulfat se Pehchan Kar Gayaa

Bikhrey Padey Hain, Aankho’n Ke Saahil Pe Ashko’n Ke Moti
Sawal-e-Wasl Ki, Lehro’n ko Utha kar Ek Tufaan Kar Gayaa

Uff, Kyun Unhey Apney Hi Pyar Pe Yaqee’n Nahi
Nighah-e-Ehtemal se Ek Hi Pal Mein Anjaan Kar Gayaa

Ek Taraf Mehfil, Aur Ek Taraf Khamoshiya’n Hain
Phir Kyun Hamein, Do Hisso’n Mein Baa’nt Kar Sumsaan Kar Gayaa

Haatho’n Ki Siyah Lakeero’n pe Ek Tohfa Sa Rakh Diya
Magar Taqdeer Ka Jo Kuch Likha Tha, Sab Veeran Kar Gayaa

Meri Ghazal Suni, Magar Ye Dard Tum Na Samajh Sakey
Lekin Tehreer Ke Maani To, Unke Liye Aasaan Kar Gayaa

Koh-e-Toor Se Gir Kar, to Uth Jaogey Shakir
Nazro’n Se Gir Kar Uthna to, Hamein Hairan Kar Gayaa