Zara Sham Ke Baad

Tum Aao Meray Aangan Mein Zra Sham K Baad
Mil K Mangen Ge Mohabat Ki Dua Sham K Baad

Jin Ki Taqdeer Mein Khawab Nahi Neend Nahi
Aur Letay Hain Sitaron Ki Rida Sham K Baad

Aao Mil Baith K Kuch Waqt Guzaren Jaana
Main Sunaon Tujhy, Tu Apni Suna Sham K Baad

Tum Mujhy Chor Gaye Sham Se Pehle Pehle
Yeh Na Poocho Mera Kia Haal Hua Sham K Baad

Tum Yahan Thay To Her Ek Sham Saji Rehti Thi
Ab To Lagta Hai Sham Hoti Nahi Sham K Baad