ایسا کیا چاہا تجھ سے، اے زندگی؟

حواس باختہ نہیں
ہُوش میں بھی نہیں
دورِرفتہ کے معاملاتِ زیست سے لرزاں ہوں میں
فلسفہِ عالم سے رغبت تو نا ہو پائی
اصولِ زیست سے اب کیا لینا؟
سانپ سیڑھی کے کھیل میں
عُروج و زوال تو دیکھ لیا
سفرِکاروانِ زیست کی کہانی میں
اب مرا کوئی ذکر نہیں
مرا ماضی مجھ سے بچھڑ کر
نا جانے کس حال میں ہے؟
لگتا کچھ ایسا ہے!
زندگی خوب گزار لی
ایسا کیا چاہا تجھ سے، اے زندگی؟
حواس باختہ نہیں
ہوش میں بھی نہیں
دورِرفتہ کے معاملاتِ زیست سے لرزاں ہوں میں