مجھے لگی بددعاؤں کا حساب کرنا

کبھی فرصت ملے جو تجھے
میرے دل پر لگے زخموں کا حساب کرنا

جو چلو اجالوں میں تم جاناں
میرے اندھیروں کا حساب کرنا

میں نے تو ہر پل تجھے دعا دی ہے
مجھے لگی بددعاؤں کا حساب کرنا

ستارے جو چمکے تیری آنکھوں میں خوشی کے
میری آنکھوں سے بہتے آنسوؤں کا حساب کرنا

جو تیرا دل خوشی سے جھومے ہر پل
میرے دل کے ٹکڑوں کا حساب کرنا

نغمے جو گنگناؤ دوستوں کے ساتھ کے
جاناں میرے سناٹوں کا حساب کرنا

ہر لمحہ جو گزرے تیرا اپنوں کی بھیڑ میں
میرے دل کی تنہائیوں کا حساب کرنا

میں نے تو منزل تیرے قدموں کے
نشانوں پر چلتے چلتے بنائی تھی

جانے کب تم رستہ بدل گئے
میری بکھری راہوں کا حساب کرنا

اب تو دور تلک جہاں نظر جائے
اندھیرا ہی مجھے دیکھتا ہے

کہاں سے ڈھونڈو میں روشنی کا نشاں
کبھی روک کر اک پل کے لئے خیال کرنا