محبت پروان چڑھتی ہے

محبت پروان چڑھتی ہے
محبت بے نام پلتی ہے

محبت کوئی دھوپ نہیں
محبت کا کوئی روپ نہیں

محبت دن رات جلتی ہے
محبت پروان چڑھتی ہے

محبت کوئی سایہ نہیں
محبت کی کوئی بھایا نہیں

محبت بن آگ تپتی ہے
محبت پروان چڑھتی ہے

محبت کی کوئی آنکھ نہیں
محبت بجھتی راکھ نہیں

محبت نوح کی کشتی ہے
محبت پروان چڑھتی ہے

محبت کا کوئی رنگ نہیں
محبت کا جیون سنگ نہیں

محبت بن سانپ ﮈستی ہے
محبت پروان چڑھتی ہے

محبت بدن پرست نہیں
محبت کا کوئی تخت نہیں

محبت بن ساون برستی ہے
محبت پروان چڑھتی ہے

محبت روش پرخار نہیں
محبت جوش کی دھار نہیں

محبت دوستی گڑھتی ہے
محبت پروان چڑھتی ہے

محبت کا کوئی مسکن نہیں
محبت کا کوئی درپن نہیں

محبت سسکتی بلکتی ہے
محبت پروان چڑھتی ہے

محبت جن و بشر نہیں
محبت حجر کا شجر نہیں

محبت جب ورد کرتی ہے
محبت پروان چڑھتی ہے

محبت کا کوئی وارث نہیں
محبت شرمندگی کا باعث نہیں

محبت ہر پل بڑھتی ہے
محبت پروان چڑھتی ہے