میری دعا ہے

میری دعا ہے کہ اس موسم بہار میں
میرے وطن میں ہر طرف محبت کے پھول کھلیں

رنجشیں دور کہیں بھاگ جائیں
دل میں امیدیں نئی جاگ جائیں

ستارے ہر آنگن میں اٹھکیلیاں کریں
اور زمیں سے روشنی کے جام بھریں

میری دعا ہے کہ اس موسم بہار میں
میرے وطن سے بارودی فضا چھٹ جائے

دھشتوں کی حیات گھٹ جائے
میرے وطن کی شادابی کے راستے سے

ہر خزاں خوف کھا کے ہٹ جائے
میری دعا ہے کہ اس موسم بہار میں

ہر طرف پھول نئے کھل جائیں
بچھڑنے والے پھر سے مل جائیں