چُسکے لے کے چا پیندا واں
Poet: طارق اقبال حاوی By: طارق اقبال حاوی, Lahoreسنگت بہہ کے چا پیندا واں
چُسکے لے کے چا پیندا واں
اُٹھدا بہندا، چلدا پِھردا
میں رہ رہ کے چا پیندا واں
مُشک تیری میرے سینے اُترے
جُوٹھی لے کے چا پیندا واں
دارُو ورگا کم جے کر دی
غم وچ ڈیہہ کے چا پیندا واں
وچ پردیسے یاد یاراں دی
دوری سہہ کے چا پیندا واں
اگلی وار اوہ نال پیوے گی
دل نوں کہہ کے چا پیندا واں
غزل جدوں کوئی لکھنی ہووے
کلھیاں بہہ کے چا پیندا واں
Rate it: 
Views: 1743
31 Jan, 2022
More Punjabi Poetry
