ہم تو انجان تھے اجنبی تھے مگر
Poet: Shahzad anwar khan By: Shahzad anwar khan, Sailani nagar,akola,maharashtra,Indiaیا نبی یا نبی بولتے بولتے
کھل رہی ہر کلی بولتے بولتے
بھولنے کا جسے ذکر کرتے رہے
یاد آیا وہی بولتے بولتے
چھٹ گئے خاموشی کے اندھیرے سبھی
ہو گئی روشنی بولتے بولتے
قابو غصّے پہ جب بھی نہیں پاسکے
بات بڑھتی رہی بولتے بولتے
ایک آنسو گرا درمیان بحث
یاد آیا کوئی بولتے بولتے
ہم تو انجان تھے اجنبی تھے مگر
ہو گئی دوستی بولتے بولتے
موت آئے مجھے حالت ذکر میں
یا خدا یا نبی بولتے بولتے
بات انور صحیح بولنے کے لئے
کیوں زباں رک گئی بولتے بولتے
Rate it: 
Views: 256
22 Feb, 2013
More Religious Poetry
