یہ محبت کیسی ہے

یہ محبت کیسی ہے
اپنے سوا کوئی بھی
ارمان پلنے نہیں دیتی
کبھی بجھنے نہیں دیتی
کبھی جلنے نہیں دیتی
یہ ۔۔۔ محبت کیسی ہے
پتھرا دیتی ہے آنکھوں کو
اشک برسنے نہیں دیتی
کبھی رونے نہیں دیتی
کبھی ہنسنے نہیں دیتی
یہ ۔۔۔ محبت کیسی ہے
محبت کرنے والے کو
بنا دیتی ہے بہادر
کسی کی عزت چھین لے
کسی کے سر پہ دے چادر
یہ ۔۔۔ محبت کیسی ہے
عجب اک سکوت سا
دل و دماغ پہ طاری ہے
کچھ کہنے نہیں دیتی
کچھ سننے نہیں دیتی
یہ ۔۔۔ محبت کیسی ہے
یہ زندگی کا زہر بھی
تنہا پینے نہیں دیتی
کبھی مرنے نہیں دیتی
کبھی جینے نہیں دیتی

یہ ۔۔۔ محبت کیسی ہے
یہ ۔۔۔ محبت کیسی ہے