"اسی دن سوچ لیا تھا کہ ایک دن میں بھی بڑا ہو کر اکشے کمار کی طرح اسٹار بنوں گا. اہم چیز ان کی رحم دلی تھی جس نے میرا دل جیت لیا تھا"
یہ کہنا ہے معروف اداکار رنویر سنگھ کا جنھوں نے اداکار اکشے کمار سے جڑا اپنے بچپن کا ایک واقعہ سناتے ہوئے مداحوں کو حیران کردیا ہے۔
رنویر نے انکشاف کیا کہ بچپن میں اکشے کمار کی مشہور زمانہ فلم "مہرا" کے گانے ’ٹپ ٹپ برسا پانی‘ کی شوٹنگ ہورہی تھی. اکشے کمار اور روینہ ٹنڈن سیٹ پر موجود تھے. جنھیں دیکھنے کے لیے رنویر سنگھ بھی شوٹنگ پر چلے گئے.
رنویر سنگھ نے کہا کہ میں بہت چھوٹا تھا اور روینہ ٹنڈن نے سیکیورٹی والوں سے کہہ کر مجھے سیٹ سے باہر نکلوا دیا اس وقت مجھے ایسا لگا جیسے میرا دل بکھر گیا ہو میں بہت ٹوٹا ہوا محسوس کر رہا تھا۔
"ٹھیک اسی وقت میں نے اپنے کندھے پر ایک ہاتھ محسوس کیا. جب مڑ کر دیکھا تو وہ کوئی سیکیورٹی گارڈ نہیں بلکہ فلم کے ہیرو اکشے کمار تھے. اکشے کو احساس ہو گیا تھا کہ میرا دل ٹوٹا ہے. وہ میرے پاس آگئے اور ادھر ادھر کی باتیں کرنے لگے. میں نے ان کے ساتھ تصویر بھی کھنچوائی. اکشے کمار کے اس انداز نے میرا دل جیت لیا تھا.