Naya Pakistan Aur Awam

(Sehr Malik, )

Naye Pakistan Mein Bohat See Tabdeliyan Zaroor Howe Hain Magr Ye Eak Qara Waqt Hai Jiska Samna Hr Pakistani Ko Karna Hai. PM Imran Khan Sahab Wohi Sab Kar Rahay Hain Jo Pakistan Ki Bhalaye Kaliye Behtar Hai. Agr Socha Jaye Tou Naya Pakistan Poranay Pakistan Say Bohat Behtar Hai. 22 Saal Ki Mehnat Kay Baad PM Imran Khan Sahab Wazarat-E-Uzma Kay Ohday Par Faiz Howay Aur Apni Zimaydariyoun Ko Bahobi Nibha Rahay Hain. Imran Khan Pakistan Kaliye Eak Behtareen Maseeha Hai Jisnay Pakistan Ko Uss Waqt A Kay Sambhala Jab Pakistan Dhoob Raha Tha Aur Woh Ab Bhi Isse Koshish Mein Hai Kay Pakistan Kay Halaat Ko Mazeed Behtar Banaya Jaye. Dosre Politics Parties Sirf Air Sirf Kurse Kay Peachy Bhaag Rahi Hain. Agr Woh Itna Hee Pakistan Ka Bhala Chahti Hain Tou Ab Jo Agay A Choka Hai Uska Saath Diya Jaye. Imran Khan Ko Neecha Dekhanay Ki Gharz Say Dosri Parties Kaye Qism Ki Chalay Chal Rahi Hain Qursi Kay Lalch Mein Kiya Say Kiya Kar Rahi Hain But Ye Nhi Soch Rahay Kay Agr Imran Mulak Aur Qoum Kaliye Acha Kar Raha Hai Tou Isska Saath Dain Aur Mulak Ki Behtari Kaliye Sochain. Jo Bhi Aya Hai Woh Sirf Apnay Hazanay Bharnay Mein Koshan Hai In Sab Baatoun Ko Maday Nazar Rakhtay Howay Awam Ko Bhi Imran Khan Ka Saath Dena Chaye. Pakistan Jitna Imran Khan Ka Hai Utna Hee Awam Ka Bhi Hai. Pakistan Humara Azeem Mulak Hai Aur Issay Economic Crisis,, Terrorism,, Couraption,, Poverty,,Drug Addiction,, Aur Aise Kaye Qism Ki Burayeoun Ko Jar Say Khatam Karnay Kaliye Imran Khan Ka Saath Dena Chaye. Imran Khan Akela Kuch Nhi Kar Sakta. Hum Awam Ko Bhi Isskay Qadam Say Qadam Mila Kay Chalna Hoga. Media Pay A Kay Apnay Mulak Ko Badnam Karna Aur Tarah Tarah Kay Alfaz Bolna Ye Koi Achi Baat Nhi. Pakistan Say Pyar Karain Aur Apnay Mulak Kaliye Isski Behtari Kaliye Jo Hota Hai Karain. Agr Aap Pakistan Say Bahar Bhi Ho Tab Bhi Apnay Mulak Kaliye Socho..Quaid-E-Azam Ki Taraf Say Diya Giya Ye Eak Khobsorat Tohfa Hai Jo Hum Muslims Kaliye Hai Aur Iss Tohfay Ko Hum Barbaad Nhi Honay Dain Gay. Ye Woh Mulak Hai Jisko Quaid-E-Azam Nay Beinteha Koshish Aur Din Raat Ki Mehnat Say Humaray Liye Hasil Kiya. Aur Aaj Quaid-E-Azam Kay Iss Khawab Kay Saath Kiya Ho Raha Hai. Mil Beth Kar Qaam Karnay Kay Bajaye Hr Koi Apnay Tareeqay Say Karnay Ki Koshish Kar Raha Hai. Meray Khyal Mein Imran Khan Iss Liye Behtar Hai Because Ye Ghareeb Tabqay Kay Liye Soch Raha Hai. Aur Jo Thowra Mushil Waqt Aya Hai Pakistan Pay Woh Hamesha Rehnay Wala Nhi..Agr Awaam Bhi Imran Khan Ka Saath Day Gi Tou Zaroor Humara Mulak Pakistan In Tamam Burayeoun Say Bahar Nikal Sakta Hai. Because Aap Khud Soch Saktay Ho Kay Agr Eak Ghar Mein Mali Mushkilaat A Jaye Tou Eak Akelay Insaan Kaliye Sambhalna Kitna Mushkil Ho Jata Hai. Lakin Agr Sab Mil Kay Saath Chalain Tou In Tamam Tar Mushkilat Say Nijaat Mumkin Hai. Jitni Zimaydari Imran Khan Ki Hai Pakistan Kaliye Utni Hee Awam Ki Bhi Hai. Mushkil Halaat Mein Sabr Kar Lenay Say Inshaallah Acha Waqt Bhi A Jata Hai. Pakistan Ko Inn Halaat Tak Lay Janay Walay Bilkul Azaad Ghoom Rahay Hain. Money Lauandring Kar Kay Mulak Dar Mulak Proprties Bana Kar Khud Ko Ameer Tareen Kehnay Walay Pakistan Aur Awaam Kay Paisay Par Aeyashi Kar Rahay Hain. Apnay Hee Mulak Ko Nuqsaan Pohanchanay Walay Aaj Keh Rahay Hain Kay Woh Mulak Ko Ziyda Behtar Chala Saktay Hain....Ye Woh Hisaab Hogiya Kay' Apnay Hee Ghar Ko Aag Lagi Ghar Kay Charaag Say.

Un Logo Ki Lagaye Howe Aag Ka Khamiyaza Aaj Ki Haqumat Aur Awaam Bhugat Rahi Hai. Dollar Ki Qimaat Mein Behaad Izaafa Howa Hai Aur Rupay Ki Qadar Gir Rahi Hai Jis Say Qarzoun Mei 500 Arab Say Ziyda Ka Izaafa Howa Hai. Jo Haqumat Aur Awaam Dono Kaliye Eak Mushkil Waqt Hai. Bijli Aur Gas Kay Bills Ki Qeematoun Mein Izafa Howa Hai. Khanay Peenay Ki Ashiya Tak Mehngi Ho Gaye Hain. Hr Cheez Ki Mehangi Howe Hai Magr Isski Waja Kon Hain Ye Log Deyaan Nhi Day Raha.Hr Taraf Awaz Hai Imran Nay Mahangaye Ki,, Lakin Kyun Ki Ye Koi Nhi Jaan Raha. Mulak Ka Future Behtar Ho Usskaliye Aaj Ki Mushkilaat Ko Bhardasht Karna Parega. Haqumat Aur Awam Agr Eak Saath Ho Jayein Tou Hr Parishani Ka Muqabla Kiya Ja Sakta Hai. Dosri Parties Woh Sab Paisa Wapis Karnay Mein Katra Rahi Hain Jo Asal Mein Pakistan Ka Hai Agr Wohi Paisa Wapis Pakistan Ko Mil Jaye Tou Pakistan Ko Economic Crisis Say Asani Say Nikala Ja Sakta Hai. Ab Eak Naye Awaz Goonj Rahi Hai Kay Imran Khan Selected Hai Haqiqat Tou Ye Hai Kay Ye Selected Nhi Elected Hai Aur Woh Log Jo Ungli Utha Rahay Hain Eak Din Rejected Ho Jayein Shahid. Pakistan Kay Haq Mein Kon Behtar Hai Ye Awam Kay Faislay Nay Dekha Diya. Sirf 10 Months Howay Hai Imran Khan Ko Wazarat Sambhalay Howay Aur Go Imran Go Kay Naray Goonj Rahay Hain....Dosri Partiyoun Nay Jitni Ghalazat Phalaye Aur Jitna Pakistan Ko Louta Inn Sab Ki Phelaye Howe Iss Ghalazat Ko Imran Khan Saaf Kar Raha Hai Aur Iss Cheez Ko Khatam Karnay Kaliye Kafi Waqt Ki Zarorat Hai..Sirf 10 Mahinay Iss Chez Ko Khatam Karnay Kaliye Kafi Nhi Hain Abhi Kuch Time Ki Zarorat Hai Hum Itna Jaldi Kisi Ko Ghar Nhi Behj Saktay. Mulak Kay Qarzay Khatam Karnay Kaliye Imran Khan Din Raat Mehnat Kar Rahay Hain Awam Ko Bhi Bharpoor Saath Dena Chaye. Meray Khyal Say Hr Pakistani Ko Halaat Ka Muqabla Karna Chaye Aur Pakistani Qoum Eak Bahadur Qoum Hai Halaat Ka Muqabla Kar Sakti Hai. Imran Khan Eak Mukhlis Insaan Hai Jo Pakistan Ko Kabhi Bhi Mushkil Halaat Mein Nhi Choray Ga. Mein Ye Baat Yaqeen Say Keh Sakti Hoon Kay Imran Khan Pakistan Kaliye Eak Behtareen Leader Hai. Aur Imram Khan Ko Chun Kar Eak Behtareen Faisla Kiya Giya. Inshaallah Pakistan Mushkil Waqt Say Nikal Kay Eak Taqatwar Aur Behtareen Mulak Ban Jaye Ga Aur Hr Lehaz Say Hai Bhi....Magr Sab Ka Eak Hona Bhi Zarori Hai Sab Mil Jaye Tou Koi Kuch Nhi Bigar Sakta Mulak Sab Ka Hai Huqomat Aur Awam Sab Ka Iss Liye Sab Eak Ho Jaye Pakistani Ban Kay Sochain....Khuda Humaray Mulak Ko Behad Taraqi Day Aur Hamesha Abaad Rakhay...Pakistan Zindabad


 

Comments Print Article Print
 PREVIOUS
NEXT 
About the Author: Sehr Malik

Read More Articles by Sehr Malik: 7 Articles with 6156 views »
Currently, no details found about the author. If you are the author of this Article, Please update or create your Profile here >>
08 Jul, 2019 Views: 587

Comments

آپ کی رائے