Pakistani Siyasat Aur Awam

Siyasat To Hur Mulk Main Hoti Hay, Lekin Pakistani Siyasat Ki Baat Hi Kiya Hay. Aaisa Daur Kabhi Nahi Dekha Tha K Jhot Bhay Boltay Hain To Babang E Duhol.Hur Daur Main Hum Log Siyasat Dano Ko Morad Elzam Tehra Kar Apni Kotahiyon Ko Bhol Jatay Hain.Hum Bhi Usi System Ka Hisa Hain Jo In Badnam Siysatdano Ka Hay, Bulkay Hum Hi System Hain.Salon Say Yeh Rewayat Chali A Rahi Hay K Jin Logon Ko Hum Vote Day Kur Kursiyani Delatay Hain Un Sa So Baar Dhoka Kha Chukay Hain. Lekin Jo Humary Pasandida Log Hain Wo Chahay Jo Kur Lain, Hum Nay Unhin Acha Hi Kehna Hay.

Aik Dafa Hum Apnay Aik Cuzen K Saath Us Ki Jagir Main Sair Kar Rahy They, Janoubi Punjab Ka Aik Inthai Pasmand Elaqa Tha. Yeh Dekh Kar Ankhin Dang Reh Gain K Wahan Pur Sarkon Ka Jaal Becha Tha. Yeh Zia Daur Ki Baat Hay Aur Humaray Cuzin Jo Ppp Say Gehri Wabstgi Rakhtay Hain, Jub Un Say Araz Kiya K Bahi Sahib Yeh Sarkon Nay To Jungal Main Mangle Kiya Hoa Hay Aur Yaqnan Is Ka Faida Aap Logon Ko Bhi Ho Ga.

Chon K Un Ka Tauluq Mukhalif Group Say Tha Is Liye Intahai Narazgi Say Kehnay Lagay Jub Say Yeh Road Banay Hain Humary Ilaqay Main Chorian Aur Dakaityan Boht Bur Gaye Hain. Wajah Yah Hay K Pehlay Chor Ghoron Pur Atay Thay Road Na Honi Ki Wajah Say, Ab Chon K Road Shandar Hain Is Leye Wo Taiz Raftar Gariyan Istimal Kartay Hain, Aur Yeh Road Hmaray Leye Azab Say Kum Nahin.

Ab Tawajow Farmain K Yeh Serf Aik Admi Ki Raye Hai. Agar Siysatdaon Say Ziyadah Hum Apnay Geribano Maim Jhankin To Boht Sary Ghaltiyan Humin Apnay Andar Nazar Ain Gi. Is Waqat Agar Sub Say Bury Borai Hay Siyasat Dano Main To Wo Yah Hay K Mulk Ka Sara Qeemti Sarmaya Bahar Banko Main Hay. Aur Is Main Koi Do Raaye Nahin K Kaun Hay Jo Is Main Mulwis Nahin Hay. Away Ka Awah Hi Jhut Hay.Bury Bury Daway Karnay Walay, Sub Jhotay Hain. Lekin Awam Main Aaj Bhi Wo Log Mashhor Hain Aur Lotairon Ka Vote Bank Barta Hi Ja Raha Hay.Agar Zardari Sahib Itnay Hi Achy Hotay To Mohtarmah Marhome Bainazir Bhoto Un Ko Dubai Say Sath Kiyon Nahin Lain? Yeh Aik Bara Sawal Hay. Kiyon K Wo Un K Kirdar Ko Janti Thin.

Mian Sahban Buri Batin Kartay Hain, Jub Janoubi Punjab Sobay Ki Baat Ati Hay To Unko Itraz Hay, Aur Kiya Unhon Nay Baher Paisa Nahin Rakha Hoa. Agar Paisa Un Ka Hi Hay To Bhi Pakstan Jin Hallat Say Guzar Raha Hay Kiya Un Ka Furz Nahin Bunta K Wo Awam Ki Maddad Karin Apni Insdry Pakistan Main Lagain Takay Logn Ko Rozgar Mely.

MQM Ki Turf Ain To Siway Logon Ko Qurban Karnay K Kiaya Khidmet Kar Rahay Hain. Hallat Khrab Karnay Hon Ya Theek Un Ki Marzi K Baghair Cuch Nahin Ho Sakta. In K Wajoud Say Pehlay Karachi Aman Ka Gehwra Tha. Jis Kisi Ko Kahin Aur Rozi Nahin Milti The Wo Karachi Ka Rukh Karta Tha, Aur Sub Razi Thay.MQM Ki Dehshtgard Siysat Aur Nazryati Taur Pur India K Sath Haony Ki Wajah Say Ghadai K Murtakib Hain, Un K Qaid Jo Apnay Aap Ko Quid Azam Say Bura Leador Sumjhtay Hain. Agar Itany Mohib Watan Hain To Pakistan Kiyon Nahin Atay. Is Sub K Bawajoud Awam Ka Thatin Marta Sumandar Hota Hay In K Jalson Main, Ab Yeh ALLAH Hi Janta Hay Log Majboran Atay Hin Ya Mohbat Say.

"Khuda Nay Aaj Tuk Us Quam Ki Hallat Nahin Badli"
"Na Ho Jis Ko Khayal Apnay App Ki Hallat K Budlnay Ka"