Bainazir Bhutto Ko Hum Say Juda
Howay Ek Sal Ka Arsa Guzar Geya Lakin Ta Hal Abhi Tak Us Azeem Leader Kay Katil
Hamisha Ki Terha Samnay Nahi Ayee,27/12/2007 Kay Bad PPP Nay Mohtrama Kay Katil
Ki Tahqiqat Kay Leyee Bohat Shor Machaya, Bar Bar Ya Kaha Jata Tha K United
Nation Say Tahqiqat Karwae Jayee, Us Waqat Ki Hakomat Pay Ilzam Lagaya Ja Reha
Tha K Wo Jan Boj Kar Mohterma Kay Katilon Ko Baynaqab Nahi Karna Chahti,
Scotland Yard Ki Tahqiqat Ko PPP Nay Mananay Say Inkar Kar Deya Aur 2 Mah Tak
Yahi Shor Tha K United Nation Say Ya Tahqiq Karwaee Jayee, Ab Jub K PPP Ko
Hakomat Mein Aye 10 Mah Say Zada Arsa Honay Ko Ha, Ab Kisi Ko Mohterma Kay Katil
Yad Nahi? Koi United Nation Ki Bat Nahi Karta, Ab Toa PPP Khud Hakomat Mein Ha
Ab Kayoun Nahi United Nation Say Tahqiq Karwae Jati? Ab Kisi Ko Mohterma Ka Khon
Yad Nahi, Ab Sub Hakomat Kay Mazay Lay Rahay Hein Aur Us Azeem Leader Ki Moot Ko
Cash Karwa Rahay Hein, Bas PPP Ka Har Leader Yahi Kahta Ha K Hum Tahqiq Karwaein
Gay, Lakin Kub? Us Waqat Ab In Ko Dobara Mohterma Kay Katil Yad Ayein Gay Jub
PPP Ki Hakomat Khatam Ho Jayee Gi, Phir Ek Wavela Machaya Jayee Ga Aur Apnay App
Ko Ek Bar Phir Say Mazloom Show Keya Jaye Ga, Akhir Kub Tak PPP Apnay Hi Loagon
Ki Lashoon Pay Sayasat Karay Gi? Akhir Ab Konsi Majbori Ha K Tahqiq Nahi Karwae
Ja Sakti. Jis Terha Ajj Tak Mohterma Ki Hakomat Mein Hi Murtaza Bhutto Ko Katil
Keya Geya Aur Mohterma Bhi Us Ki Tahqiqat Nahi Karwa Saki, Ya Donoo Leadran Ki
Moot Aur Apni Hi Hakomat Hotay Howay Un Kay Waja Aur Katlon Tak Na Pohnchna,
Donoo Leadran Kay Katil Kay Khas Witness Ka Bad Mein Katil Ho Jana Iss Bat Ka
Saboot Ha K Dal Mein Kush Kala Ha.