Rawalpindi Say Gilgit Janay
Wale Gari Par Kohistan K Ailaqay (Harban Nala)Daso Mai Firing K Waqay Ki Jitni
Bhi Muzzamat Ki Jai Kum Hai. Mazkora Afsos Naak Waqai May 19 Afraad Halak Jab K
7 Degar Zakhmi Hoi Thay- Mazkora Waqai K Bad Go K Kohaistan Say Muntakhab Rukn E
Qoumi Assambli ..Mehbobullah Jaan Aor Rukn E Sobai Aissambli Sattar Khan ,, Nay
Waqai Ko Firqaworana Hamla Qarar Dia Hay Aor Sath May Ye Bhi Kaha Hay K Mazkora
Waqia Aaj Say Derh Mah Pehlay Diamar May 5 Sunni Afrad K Qatal Ka Rad E Amal Hai-
Qarien Kiram! Hosakta Hay K Ailaqay Ki Muntakhab Membar E Sobai Aessambly Theek
Keh Rahay Ho K Mazkora Afsosnak Waqia Firqa Wariat Hi Ka Natija Ho . Lekian Na
Janay Kion Mera Dil Ye Mannay Ko Tayyar Nahi K Ye Afsosnak Waqia Firqa Wariat Ka
Natija Hay- Qarien May Ye Bat Koi Jazbat May Aakar Nahi Likh Raha Bal K Mai Ye
Bat Bainulaqwami Sorat E Hall , Pakistan K Andaroni Sorat E Hall Aor Jis Andaz
Say Ye Waqia Pesh Aya Hay Woh Tamam Baton Ko Madd E Nazar Rakh Kar Likh Raha
Hon- Qarien Muhtaram ! Is Bat May Koi Shak Nahi K Pakistan May Firqawariat Ki
Jaray Bahut Mazbot Hochuki Hai Aor Is Kaam K Liay Kai Firqa Parast Tanzemon Ko
Beron E Mumalik Say Na Sirf Bahrpor Fund Miltay Hay Bal K Mushkil Waqt May Onko
Panah Bhi Dijati Hay- Lekin In Tamam Baton K Bawajod Kuch Batain Aise Hay K
Jinko Samnay Rakh Kar Is Case Ka Tajzia Kia Jai To Saaf Pata Lagta Hay K Mazkora
Waqia Firqa Warana Nahi Bal K Os Aalmi Sazish Ka Hissa K Jis K Laiy Amrika Aor
Os K Agent Kai Salon Say Koshish May Lagay Hoi Hain.Woh Batain Konsi Hay ?
Qarien Kiram Ap Bhi Wo Batain Mulahiza Farmain Phair Akhir Ta K Akhir May Natija
Akhaz Karnay Mai Asani Ho.
(1) Aaj Say Chand Roz Pehay Ye Report Manzar E Aam Pzr Aai Thi K Octobar 2005 K
Zalzalay K Baad Amrika Nay Apnay Kai Jasos Aor Khufia Aidaron K Agenton Ko
Imdadi Karkunan Aor Razakaron K Bhes Mai Mutasira Ailaqon Mai Pheladia Hay Yahan
Par Ye Baat Yaad Rahay K ..Kohisatn District,, Bhi Zalzalay Say Buri Tarah
Mutasir Hoa Tha Aor Yaqenan Mazkora.. Amriki Agent Jo K Imdadi Karkunon K Rop
May Thay ,, Wahan Bhi Gai Hongy -
(2) Hamlay Ki Zimmadari Jundullah Nay Qabool Ki-
(3)Hamla Awar Fouji Wardi May Malbos Thay Aor Woh 40 Minut Tak Karrawai Kartay
Rahay -
Qarien Kiram! Mazkora Bala Tenon Baton Ko Agar Hum Baham Milain To Ye Bat Saff
Zahir Hojaigi K Mazkora Hamla Kisi Maqami Jihadi Ya Mazhabi Tanzem Ki Karrawai
Nahi Bal K Un Aalmi Taqaton Ki Kar Rawai Hain Jo Ye Chahtay Hai K Pakistan Aik
Nakam Riasat Ban Jai Ta K Unko Apni Mazmom Maqasid Poray Karnay May Asani Ho .
Kion K Kohistan K Baray Mai Zara Sia Bhi Malomat Rakhnay Wala Har Shakh Ye Janta
Hay K Wahan Par Firqa Wariat Naam Ki Koi Chez Hi Nahi Hay Aor Na Hi Wahan Par
Jundullah Naami Tanzem Ka Koi Wajod Mojod Hai-Lihaza May Samajhta Hon K Mazkora
Waqia Jundullah Tanzem Ka .Karnama,, Nahi Aor Na Hi Woh Aitna Munazzam Karrawai
Kar Saktay Thay.Bal K Halaat O Waqiat To Ye Batarahay Hain K Ye Hamla Un Taqaton
Nay Kia Hay Jo Octobar 2005 K Zalzalay K Baad Un Ailaqon Mai Imdadi Karkunon Aor
Razakaron Ki Shakal Mai Ab Bhi Mujod Hay.Albata Jandullah Tanzem Ka Naam Bhi
Unhi Qwaton Nay Is Liay Samnay Laya Hai Ta K Is Say Pakistan Na Sirf Dabao Mai
Ajai Bal K Iran Say Un K Taaluqat Bhi Kharab Hojai---Lihaza Ab Ye Hokumat E
Pakistan Ki Zimmzdari Banti Hay K Wo Na Sirf Drust Simt May Tahqiqat Kar K Is
Waqai Ki Zimmadaron Ko Kef E Kirdar Tak Phonchai Bal K Imdadi Karkunon K Rop Mai
Mulk Bhar Mai Amriki Aijanton Ko Pakar Kar Unko Bhi Kef E Kirdar Tak Phonchai .
Aor Is Bat Ka Bhi Notice Lia Jai K Barwaqt Ittela Milnay Ki Bawajod Police Der
Say Kion Phonchi. Akhir Mai Sirf Itna Allah Pak Islam Aor Pakistan Dushmanon K
Azaim Ko Nakam Banain Aor Hamain Apas Main Muttahid O Muttafiq Rakhay Ameen-