Jub Sy Bush Ko Jooty Paren Hain....
Hum Paraishan Ho Gayey Hain....Jis Taraf Bhi Nazar Daalen, Hr Joota Faryad
Kunaa'n Nazar Aata Hy K Bhai Humein Kub Ye Aizaz Hasil Ho Ga... Na Sirf Jooty
Balk Ab Tou Hr Parny Wali Cheez Mauqa Ki Talash Mei Hain.... Yahan Tak K Kuch
Angrezun Ny Tou Hum Ko Muntazir He Samjh Liya.... Aur Humein Hath Aur Pair
Par Kr Un Ko Apni Shanakhti Alamut Aur Parade Deni Pari ( Bhai Samjhein Na Hum
Amreca Ki Jang Jo Lar Rhy Hain.... Un Ka Adab Krna Humara Qoumi Fareza Hy....
Aur Un Ka Humein Zameen Sy Ukhaar Dena.... Ek Khel)... Khair Baat Jooty Parny Ki
Ho Rhi Thi.... Bhai Sachi Baat Kahein Tou Humein Muntazir Ka Ye Bahadurana
Iqdaam Kuch Acha Nahi Laga.... Sochen Agr Joota ( Wo Bhi Baqaul Bush K 10 Number
Ka ) Agr Khuda Na Khawasta Bush Sarkar Ko Tikaa K Lag Jaata ... Tou Hum Kahan
Hooty... Na Jaany Kub Salamti Council Mei Koi Resolution Pass Ho Jaata ... Aur
Bina Koi Lamha Zaya Kiyey Govt Jootun K Kirdaar Ko Mashkok Qarar Dy Kr
Dehshat Gardun Ki Fehrist Mei Shamil Kr Deti... Crack Down ... Factory Mei Taala...
Aur Hum Kahan Jaaty.... Nangy Pair.. Chalen Khushi Is Baat Ki Hy... K Hum Nahi
Magr Humary Jootun Mei Tou Jazba-E-Emaani Hy... Dekhty Hain Is Jazby Ka Dum
Kahan Aur Kub Ghutta Hy.