Jaisa Ke Main Apne Pichle Articles Mein Zikar Karta Aya Hoon Ke Aj Ke Pakistan
Ke Hallat Ki Zimewar Hamari Azad Media Hay (Khusoosan Electronic Media). Media
Par Anchors Hazraat Har Issue Pe Dohre Mayaar Ka Muzahira Kar Rahey Hain, Aur
Har Issue Ka Sirf Ek Rukh Dikhaya Aur Bataya Ja Raha Hay. Ap Ne Aksar Live Shows
Dekhe Honge Agar Ap Ne Kabhi Ghaur Nahi Kiya To Ab Zaroor Ghaur Karma PPP Ya
Govt Mein Shamil Kissi Bhi Party Ka Representative Ata Hay To Sab Ko Anchor
Barabar Mauka Deta Hay Lekin Nawaz League Ke Log Apne Time Pe Sirf Aur Sirf Ch.
Iftikhar, Charter Of Democracy, Benazir Ki Taqreer, Asif Zardari Ki Wada Khilafi
Ki Baat Karta Hay, Lekin Jo Topic Hota Hay Us Ko Divate Kar Deta Hay, Aur Jab
Topic Pe PPP Ka Admi Koi Baat Karta Hay To Us Ka Time Kharab Karnwe Ke Liye Qata
Kalami Karta Hay, Ye Practice Khas Taur Pe, Khuwaja Asif, Khuwaja Saad Rafiq,
Hanif Abbasi Sb Karte Rehte Hain, Lekin Kissi Chanel Ka Koi Anchor Un Ko Nahi
Rokta.
Ab Main Zikar Karoon Ga In Hi Issues Ki. Muhtarma BB Ne CJ Ke Ghar Ke Samne Jo
Kaha Tha Wo Sab Ko Yaad Hay Lekin Asif Ali Zardari Ke Cases Mein Benazir Ne Jo
Kaha Tha Wo Kissi Ko Yaad Nahi, Programe Bolta Pakistan Ne Jab Ek Caller Ne Live
Ye Sawal Uthaya To Hasb-E-Mamool Jinab Mushtaq Minhas Aur Nusrat Jawed Ne Us
Sawal Ko Ignore Kar Diya Aur Koi Jawab Nahi Diya. Isi Tarah Mere Favourate
Anchor Hamid Mir Sab Ka Bhi Yahi Rawaya Hay, Wo Hamesha Nawaz Shareef Sahib Ko
Favour Dete Hain. Ab Mera Sawal Ye Hay Ke Media Walon Ko Asif Zardari Ke Wade
Yad Hain Nawaz Shareef Ke Wade Kon Yad Dilaye Ga, MQM Se Kabhi Rabta Nahi Kiya
Jaey Ga, Pir Q Rabta Kiya, Asif Zardari Mein Musharaf Ki Rooh Aa Gayee Hay Us Se
Baat Nahi Hogi, Aur Musharaf Ko 10 Baar Wordy Mein Elect Karwaney Wale Ch.
Parvez Elahi Kea J Talwey Kiyoon Chatey Ja Rahe Hain, Koi Poochne Wala Nahi. Ab
Baat Aati Hay COD ( Charter Of Democracy) Ki, Beshak Charter Of Democracy Signe
Kiya Gaya Aur Is COD Pe Consensus Ka Sehra Baba-E-Jhumooriyat Nawabzada
Nasarullah Khan Ko Jata Hay. Ye Document Signe Huwa Tha ARD Ke Platform Pe Lekin
Usi Plateform Ko Miyan Sahib Chor Kar APDMA Mein Shamil Ho Gaye, Ab Koi Anchor
Aisa Hay Pakistan Ki Azad Media Mein Jo Ye Bat Qaum Ko Bata Sakey Ke Jo Log ARD
Ko Chor Chukey Wo Kis Face Se COD Ki Baat Kartey Hain, COD, Completely ARD Ka
Agreement Hay Aur Jis Ko Nawaz Shareef Ne Neglate Kiya Aur Aj Wo COD Ki Baat
Kartey Hain. Chalo Thori Der Ke Liye Maan Liya Ke Nawaz Shareef Sb Ab Bhi ARD
Mein Hay Aur COD Ek Guidline Ke Liye Ek Wazih Document Hay To Jinab Is COD Mein
Ye Bhi Wazih Hay Ke Har Party Doosri Party Ke Mandate Ka Ihtram Karey Gi To
Nawaz Shareef Sab Se Koi Anchor Ye Sawal Karne Ki Himat Kar Sakta Hay Ke Jinab
Ap Ne Punjab Ke Andar Q-League Jo Opposition Party Hay Us Kae Mandate Ka Ehtraam
Kiya?
ALLAH Ham Ko Bardasht Karne Ka Hosla De Aur Hamari Media Ko Aqal Ke Nakhoon De
Ta Ke Har Issue Par Tasweer Ke Dono Rukh Dikhaey, Aur Apne Azad Hone Ka Suboot
Faraham Karey, Aur Khudara Media Walo, Duniya Ki Azad Media Se Kuch Seekho Aur
Khud Apne Liye Ek Lakeer Banauo Aur Wo Kuch Media Par Mat Dikhauo Jo Nahi
Dikhana Chahiyey, Khoon Se Lat Pat Bachon Aur Boorhoon Ke Manazir Mat Dikhauo,
TV Dekhne Waley Bachon Ko Kiya Daal Rahey Ho Zehen Mein, Socho Zara Aur Apna
Ehtesaab Karo Kea P Log Kiya Kar Rahey Ho. Agar Aisa Hota Raha To PIMRA Ne Agar
Koi Zabta-E-Ikhlaq Banaya To Yahi Media Chilati Huwee Nazar Aye Gi, Hi Azadi, Hi
Azadi.
Aakhir Mein Main Lahore Mein Huwe Sri Lankan Cricket Team Par Hamle Ki Purzor
Muzamat Karta Hoon