Salam 2 All.
Ye Koi Story Nai Aik Sweet Memory Hai Jo Mere Chote Dadu Ne Ham Sab Se Shair Ki
Thi.Or Mai Ap Sab Ko Ye Pyari C Bat Btana Chahti Hu.Ye Bat 1947 Ki Hai.Mere
Chote Dadu Ki Zubani Sunye.
Mera Nam M.Basheer Hai Ye Us Waqt Ki Bat Hai Jab Karadade Pakistan Manzoor Ho
Gai Thi.Har Taraf Tabahi Or Cheekho Pukar Thi.
Angrezu Or Hindwu K Gharu Ko Aag Laga Di Thi Or Jo B Ghair Muslim Hath Lagta
Usey B Utha K Aag Mai Phenk Rahe They.
Kaale Dhowain Se Asman Maila Ho Gya Tha.Mai Apne Sab Behn Bhayon Se Chota Sab
Bhai To Bahir Nikle Howe They Ghar Mai Orton Ke Ilawa Sirf Main Tha.Mujhe Koi B
Bahir Nai Bhej Raha Tha.
Phr Achanak Hamare Aas Pas Bohat Zyada Halat Kharab Ho Gae Or Aag Laga Di.Pore
Gaon Mai Aik Hamara Or Dosra Chacha Ka Ghar Bacha Tha.
Ghar Mai Ortain Rone Peetne Lagain.Qk Sare Mard Bahir They.
Mujh Se Ab Yahan Or Raha Na Gya Mai Ne Socha K Ye Log Hamara Ghar B Jala Dain
Ge.Agar Mai Yahan Se Bhag Gya To Bach Jaon Ga.Isi Soch K Sahare Mai Ne Apni
Bubo(Phupo)Ka Dopata Jo Unhu Ne Apne Hath Se Buna Howa Tha Wo Apne Upar Lapeta
Or Bahir Nikal Gya.
Bahir Is Waqt Aag Or Dhunwain K Ilawa Kuch Nazar Nai Aa Raha Tha.Mai B Bina Age
Peeche Dekhe Bhage Ja Raha Tha Or Khouf Se Ankhon Se Ansu Barasne Lage.Bhagte
Bhagte Mujhe Kisi Ki Awaz Sunayi Di.Jo Mujhe Pukar Rah Tha.
Main Ne Aik Lamha Thehr K Sans Li Or Idhar Udhar Nazar Dorhayi.Thore Hi Fasle Pe
Mujhe Apna Aik Parhosi Nazar Aya Jo Aik Gari K Pas Kharha Tha Us Ne Mujhe Apni
Taraf Bulaya.Mai Dorhta Hwa Gya Us Ne Kaha Ham Log Apne Nanyal Ja Rahe Hain
Udhar Sakoon Hai.Jab Idhar Sab Thek Ho Jaye Ga To Wapis Log Ayain Ge.Hamare Sath
Chalo Idhar Rahe To Bacho Ge Nai.
Mai Pehle Hi Dara Sehma Tha Uski Baton Mai Aa K Un Sab K Sath Chala Gya.Garhi
Mai Beith K Khouf To Kam Hwa Par Ye Fikar Lag Gai K Meri Bubo Ka Dupata Mujh Se
Kahain Kho Na Jaye.Mai Dopate Ko Smait Smait K Apne Pas Rakh Raha Tha.
Aik Lambi Musafat K Bd Ham Log Aik Ghar Pohnche Jahan Pehle Se Hi Safe Matam
Bichi Thi.In Ka Koi Apna Juda Ho Gya Tha.Mai Dara Sehma Ja K Aik Kone Mai Beth
Gya.Phr Wahi Bethe Bethe Jane Kab Mai So Gya.Ankh Tab Khuli Jb Koi Mere Muh Se
Dopata Hatane Laga.Dopate Ki Halchal Pe Mai Be Ikhtyar Chila Utha Nai Du Ga Ye
Meri Bubo Ka Dupata Hai Nai Du Ga Nai Du Ga.
Meri Awaz Pe Sab Log Igathe Ho Gae.Wo Orat Mujh Se Kehne Lagi.Na Na Beta Mai
Dupata Nai Le Rahi Hu Ye Tmara Hi Hai Mai To Tmy Jaga Rahi Thi.Phr Mere
Parhosyon Ne Mujhe Behlaya Is Waqt Suba Ho Chuki Thi.Mai Ne Apne Parhosi Jise
Mai Chacha Keh K Pukarta Tha.Us Se Pocha Ham Ghar Kab Jayin Ge.Unhu Ne Btaya
Sham Tak Agar Wahan K Halat Thek Hwe To Wapis Jayin Ge Lagta Nai K Peeche Koi
Bacha Ho Ga.Ye Sun K Mai Rone Laga Chacha Ne Mujhe Taslyan De Kar Chup Karane Ki
Koshish Ki.Mai Ne Un Se Kaha.Chacha Agar Mujhe Kuch Ho Gya To Ye Dupata Bubo K
Pas Pohncha Dena.Meri Bat Sun K Wo Kadre Muskraye Or Gale Se Laga Lia.Mujhe Apne
Se Zyada Fikar Is Dupate Ki Thi Jane Q Mai Ye Subah Se Sham Tak Sochta Raha K
Kab Gar Jaun Or Bubo Ko Dupata Wapis Karu.Sham Ko Tyari Howi Jane Ki Or Ham Sab
Wapsi K Lye Rawana Howe.
Ghar Pohncha To Dekha Sab Ro Rahe Hain Jaise Khudanakhasta Koi Rukhsat Ho Gya Ho
Mai Junhi Sb K Samne Aya Ghar Walu Ne Mujhe Dekha To Dorh K Mujhe Gale Laga
Lia.Meri Ghair Hazri Pe Wo Mera Matam Mana Rahe They Karte B Kya Halat Hi Aise
They.Sab Ko Bat Samjhayi To Unain Pta Chala Mai Kahan Tha.Phr Mai Ne Apne Pe
Lapeta Hwa Dupata Utara Or Bubo Ko De Kar Kaha.Bubo Mai Wahan Soch Raha Tha K
Agar Zinda Bacha To Bubo Ka Dupata Zaror Lotaon Ga.Mar Gya To...Is Se Aage Kuch
Jaha Na Gya Or Mai Zor Zor Se Rone Laga.Meri Bubo Ne Mujhe Gale Se Laga Lia Or
Baki Sab Hansane Lage.
Dear Friend Please Pray 4 Pakistan Jo Hamare Buzargu Ne Itni Qurbaniyon K Bd
Hasil Kiya Tha Wo Aj Barbad Ho Raha Hai Phr Se Wahi 1947 Wala Mahol Ban Raha
Hai.Allah Pak Hamare Pakistan Ko Dushmanu Se Bachaye.Ameen.