جنرل موسی آپ کیا غم لیکر سینے میں گئے‏!

(Munir Bin Bashir, Karachi)

جنرل موسی تاریخ پیدائش 1908 بمقام کوئٹہ

اپنی خود نوشت جوان سے جنرل تک (انگریزی)

صفحہ 129 پر تحریر کرتے ہیں

مجھے 1958 میں تمام مسلح افواج کا سربراہ مقر کیا گیا -

میرے سسر اور ان کے بیٹے افغانستان کے رہاشی تھے-

پاکستان کے افغانستان سے تعلقات کچھ زیادہ اچھے نہ تھے

- میرے مسلح اافواج کے سربراہ بننے کے تقریبآ دو سال بعد 1961 میں افغانستان حکومت نے میرے سسر اور سالے محمد علی کو گرفتار کر کے غزنی کی جیل بھیج دیا -

یہ کسی جرم میں ملوث نہیں تھے لیکن صرف میرے رشتے دار ہونے کے سب انہیں گرفتار کیا گیا اور جیل میں تشدد کا نشانہ بنایا گیا میرے سسر کا جیل میں انتقال ہو گیا-

میرے سالے کو غزنی جیل سے نکال کر کابل کےمشہور دیہہ موزنگ جیل میں بھیج دیا جرم یہ تھا کہ تم پاکستان کے مسلح افواج کے سربراہ کے سالے ہو - آخر حکومت افغانستان نے محمد علی کو رہا کر دیا- محمد علی افغانستان سے نہایت کسم پرسی کی حالت میں نکلا اور اپنے خاندان کے ہمراہ سفر کی صعوبتیں جھیلتے ہوئے چھپتے چھپاتے پاکستان آگیا -

جنرل موسی کہتے ہیں کہ میرے داماد ایر مارشل چنگیزی کی تعیناتی جب کابل میں پاکستانی سفارت خانے ہوئی تو میری بیوی اور میرا بیٹا 1975 میں کابل گئے -

وہ وہاں سے غزنی بھی گئے -انہیں امید تھی کہ انکے والد اور نانا کی قبر کا پتہ چل جائے گا - لیکن ناکامی ہوئی

جنرل موسی لکھتے ہیں آج تک میری بیوی کو پتہ نہیں کہ اس کے والد ( یعنی میرے سسر ) کہاں دفن ہیں-

< PREVIOUS ٭ایک کپ کافی۔۔۔!٭NEXT > سچا واقعہ