؟؟کیوں پی ایم نے کراچی کی صنعتوں کو بجلی فراہم کرنے کی ہدات کردی ؟؟

(Muhammad Azam Azim Azam, Karachi)

وزیراعظم صاحب آج صنعتوں اور مشینوں سے زیادہ اِنہیں چلانے والوں کو بجلی کی ضرورت ہے .
آج وزیراعظم نے تو کراچی کے بجلی سے محروم عوام کو تڑپتاچھوڑکر..؟؟کیوں پی ایم نے کراچی کی صنعتوں کو بجلی فراہم کرنے کی ہدات کردی ؟؟

آج جہاں اِن دِنوں سارے مُلک میں سورج آگ برسارہاہے اور قیامت خیزگرمی اپنے تمام ریکارڈ توڑنے کو ہے تووہیں مُلک کے طول وارض میں گرمی کی شدت میں ہونے والے اضافے کے ساتھ ہی بجلی کے اعلانیہ اور غیراعلانیہ طویل لوڈشیڈنگ کا سلسلہ بھی عوام کی زندگیوں سے کھیل ، کھیلنے میں سرگرم ہے پچھلے دِنوں مُلک بھر میں روزیداروں پر آگ برساتے سورج اور بجلی کی لوڈشیڈنگ کی وجہ سے دودرجن سے زائد افرادہلاک ہوگئے اور یوں کراچی ، حیدرآباد،کوئٹہ ، لاہور،فیصل آباد، سکھر،پشاورسمیت مُلک کے متعدد شہروں میں بجلی کی لوڈشیڈنگ کے بدترین جاری سلسلے کے خلاف احتجاجوں اور مظاہروں کا سلسلہ بھی جاری ہے، اَب جو صوبائی اور ضلعی انتظامیہ کے قابو سے باہر ہوتاجارہاہے ، تو دوسری جانب کراچی میں ’’ ایک معاہدے کے تحت کے الیکٹرک کو واپڈاسے 650میگاواٹ اضافی بجلی ملنے کے باوجود بھی کے الیکٹرک اورواپڈا کے وعدوں اور اعلانات کے باوجود بھی کراچی کے شہریوں کو دن بھر اعلانیہ و غیراعلانیہ اور فنی خرابی کے بہانے ہونے والی طویل لوڈشیڈنگ کے علاوہ سحری اور افطاری کے اوقات میں لوڈشیڈنگ کا عذاب بھی سہنا پڑارہاہے۔

جس پر اہلیان کراچی کا خون چوس کر رقم بٹورنے اور زائد منافع کمانے والی ’’کے الیکٹرک کی نجی ظالم انتظامیہ کے خلاف کراچی کے شہر سراپاا حتجاج ہیں، جن کی بازگشت سندھ کی صوبائی اسمبلی میں بھی سُنی گئی یوں پچھلے دِنوں سندھ اسمبلی کے ہونے والے اجلاس میں کے الیکٹرک کی منافع خورانتظامیہ کی جانب سے کراچی میں بجلی کی ہونے والی طویل لوڈشیڈنگ کا مسئلہ اٹھایاگیا، جس میں ارکان نے کراچی سمیت سندھ بھر میں بجلی کی بڑھتی ہوئی لوڈشیڈنگ پر اپنے تحفظات کا اظہارکیااور وہ کے الیکٹرک پر پھٹ پڑے اُنہوں نے الیکٹرک کے خلاف سخت الفاظ میں کارروائی کا مطالبہ کرتے ہوئے کہاکہ اگر یہی حال رہاتو شہر میں ہنگامے پھوٹ سکتے ہیں، کراچی کے عوام جو پہلے ہی پانی سے محروم ہیں ماہِ رمضان میں قیامت خیز گرمی میں اِن پر کے الیکٹرک بلاجواز لوڈشیڈنگ کرکے عذاب بھی نازل کررہی ہے اِسے اپنے رویوں میں تبدیلی لانی چاہئے ورنہ کسی بھی سخت عوامی ردِ عمل کی یہ خود ذمہ دار ہوگی ایک طرف توسندھ اسمبلی میں ارکان اسمبلی بجلی کے ستائے عوام کے لئے کے الیکٹرک کا قبلہ ٹھیک کرنے کی باتیں کررہے ہیں۔

تو دوسری جانب مُلک کے ایک بڑے روزنامے میں شائع ہونے والی خبر نے کراچی میں شدت اختیارکرتے بجلی بحران پر وزیراعظم کی طرف سے کے الیکٹرک کو ملنے والی ہدایت نے کراچی کے عوام کی پریشانیوں میں مزیداضافہ کرنے کے ساتھ ساتھ اِنہیں احساس محرومی میں بھی مبتلاکردیاہے۔

ایک خبرکے مطابق وزیراعظم نوازشریف نے کراچی میں بجلی بحران کا نوٹس لیااوراُنہوں نے کے الیکٹرک کو کراچی کی صنعتوں کو دوپہر3 بجے سے8بجے تک بجلی کی بلاتعطل سپلائی کرنے کی خصوصی ہدایت کردی ہے ‘‘ جس پر اہلیان کراچی کا خیال یہ ہے کہ وزیراعظم نوازشر یف کی طرف سے کے الیکٹرک کی انتظامی کو دی جانے والی ہدایت سے یوں لگتاہے کہ جیسے آگ برساتے سورج سے ماہِ رمضان میں بڑھتی ہوئی گرمی میں کراچی کے عوام کو درپیش بجلی کے طویل لوڈشیڈنگ جیسے مسئلے کو پسِ پشت ڈال دیاگیاہے اور کراچی کے عوام کو کے الیکٹرک کی انتظامیہ کے رحم وکرم پر چھوڑکر وزیراعظم نواز شریف نے اپنے جیسی بزنس مائنڈ کے الیکٹرک کی انتظامیہ کے اقدامات اور منصوبوں کی تائید کی ہے اور اِس کے عوام دُشمن اقدامات کو سراہاہے ، جس پر کراچی کے عوام کاوزیراعظم نوازشریف سے کہناہے کہ و زیراعظم نوازشریف صاحب..!!آج آپ کی صنعتوں کی مشینوں سے زیادہ اِنہیں چلانے والے پاکستانیوں اور کراچی کے غیورمحنت کشوں اورشہریوں کو بجلی کی اشد ضرورت ہے،جو ماہِ رمضان میں روزہ رکھ کربھی قیامت خیز گرمی میں بجلی سے محروم ہیں، ایسے میں جب اِنہیں بجلی نہیں ملے گی اور اِنہیں سُکھ چین نصیب نہیں ہوگااور جب اِن کی نیندیں پوری نہیں ہوں گی تو وہ آپ کی صنعتوں کی مشینوں کو بھی بھلا کیسے چلائیں گے..؟؟ اور آپ کی صنعتوں اور کارخانوں کی کیسے پیداوار بڑھائیں گے..؟؟ تو یہ بات واضح ہوئی کہ جب آپ کی جانب سے اہلیانِ کراچی کو بجلی مہیاہوگی تویہ آپ کی صنعتوں اور کارخانوں میں لگی مشینوں کو بھی چلائیں گے یوں اہلیانِ کراچی آپ اور آپ جیسے سرمایہ داروں ، صنعت کاروں اورکارخانہ داروں کو بھی کماکردیں تواِس طرح یہ غریب محنت کش لوگ خود بھی اپنے پیٹ کی آگ کو بھی ٹھنڈاکریں گے، تو مُلک بھی ترقی کرے گا اور خوشحالی بھی آئے گی۔

اَب وزیراعظم صاحب ...! یہ کیسے ممکن ہوسکتاہے کہ آپ کی صنعتوں کی مشینوں کو چلانے والے تو بجلی سے محروم رہیں اور آپ کی صنعتیں بجلی سے چلیں..؟؟ایسے میں کراچی سمیت پوری مُلک کی عوام یہ سوچ رہے ہیں اور کہہ رہے ہیں کہ یہی تو یورپ اور ہماری سوچ اور قول وفعل کا فر ق ہے اہلِ یورپ کے صنعت کارو سرمایہ دار اور کارخانہ دار اپنی صنعتو ں کی مشینوں کو چلانے والے ہنرمندوں اور مزدوروں کی سُہولیات کو مقدم رکھتے ہیں اور اِنہیں پہلے ہر قسم کی آسائش مہیاکرتے ہیں یہ پھراِنہیں اپنے کارخانوں اور صنعتوں کی مشینوں کو چلانے کے لئے کہتے ہیں ، مگر وزیراعظم نوازشریف صاحب..!!بُرامت مانیئے گا آپ جیسے سرمایہ دار ، صنعت کاراور کارخانہ دار لوگ اپنی صنعتوں اور کارخانوں کی مشینوں کو چلانے والے ہرمندوں اور مزدورں کے حقوق غضب کرکے بھی یہی چاہتے ہیں کہ وہ آپ کی صنعتوں اور کارخانوں میں لگی مشینوں کو چلائیں اور پیداواربڑھائیں اور سرمایہ دارانہ سوچ کے حامل افراد مُلکی ترقی اور خوشحالی کے اُوٹ سے اپنے بینک بیلنس بڑھائیں اور دولت کمائیں ۔

بہرحال ..!!گزشتہ انتخابات میں عوام سے ووٹ لینے کے خاطرمُلک سے بجلی بحران کے فوری خاتمے کا دلفریب اور دلکش نعرہ لگاکر مسندِ اقتدارپر قبضہ جمانے والی ن لیگ کی حکومت اپنے اڑھائی سال گزارنے کے باوجود بھی مُلک سے بجلی بحران کا خاتمہ نہیں کرسکی ہے اور آج بھی مُلک کے طول وارض میں بجلی بحران موجود ہے اور جیسے جیسے وقت گزرتاجارہاہے اِس کی شدت میں اضافہ ہوتاجارہاہے،آج ن لیگ کے ہاتھ اقتدارکیا آیاہے...؟؟گویاکہ آج کھلم کھلاطور پر وزیراعظم نوازشریف سے لے کر ن لیگ کے اعلیٰ و ادنا کارکنان تک نے اپنے ذاتی و قریبی رشتہ داروں سرمایہ کاروں، صنعت کاروں اور ہرقسم کے کاروباری طبقات سمیت مُلک کے اُن دوفیصد مراعات یافتہ طبقے کوبھی فائدہ پہنچانے کی ڈھان رکھی ہے جس نے ہمیشہ اور ہردورمیں اپنے فائدے کا سوچاہے ، ایسے میں قوم یہ بھی سوچنے لگی ہے کہ آج ن لیگ جیسی جماعت اور وزیراعظم نوازشریف جیسی کاروباری شخصیت ہم پر حکمرانی کرنے لگی ہے اگرہم ن لیگ اور وزیراعظم نوازشریف کی باتوں اور دلفریب نعروں اور دلکش وعدوں اور دعوؤں میں آکر ووٹ نہ دیتے تو کیا ہم اِن مسائل سے نکل نہیں جاتے ...؟آج جن میں ہم مزیددھنستے چلے جارہے ہیں ۔

اَب ایسے میں قوم یہ سوال کررہی ہے کہ مُلک سے بجلی بحران ختم کرنے کا وعدہ کرکے حکومت کرنے والی ن لیگ کے کسی بھی کارکن نے اپنے اڑھائی سالوں میں بجلی بحران کو ختم یا کم کردیاہے..؟ جب قوم کو ا پنے سوال کاجواب نہیں میں ملتاہے تواِس پرقوم کا مایوس ہوجاتی ہے جس کا مایوس ہونابجاہے،آج جس پر قوم یہ بھی سوچتی ہے کہ اگر موجودہ حکومت عوام سے ووٹ لینے کے بعد عوام کے بجلی و پانی اور گیس جیسے بنیادی مسائل حل کرنے میں مخلص اور ایماندارہوتی تو کوئی وجہ نہ تھی کہ یہ اپنے موجودہ اقتدار کے اڑھائی سالوں میں ہی عوام کے لئے بجلی و پانی اور گیس جیسے مسائل حل نہ کردیتی ..؟؟

چونکہ ن لیگ 2013کے انتخابات میں عوام سے اپنے جھوٹے وعدوں اور دعوؤں کے بدولت ووٹ لینے کے لئے تو مخلص بنی رہی ...مگر عوام سے ووٹ لے کر اقتدار کی کُرسی پر قدم رنجافرمانے کے بعد ہی ن لیگ کی حکومت کی توجہ اپنے غریب و مفلوک الحال ووٹروں کے بجائے مُلک کے دوفیصدمراعات یافتہ طبقے کی جانب ہوگئی جس نے ہمیشہ ہر حکومت میں فائدہ اُٹھایاہے یوں آج وزیراعظم نوازشریف سے لے کرن لیگ کے ایک ایک رُکن تک کی یہ سوچ بن چکی ہے کہ اَب جس قدرجلدممکن ہوسکے عوامی مسائل کے حل کے نام پر مُلک کے سرمایہ داروں، صنعت کاروں، اور مراعات یافتہ دوفیصدطبقے کی فلاح و بہبود اوراِن کی کامیابیوں کے لئے ہر جائز وناجائز اور بیجااقدامات کئے جائیں جن کے فوری کرنے سے بس اِنہیں ہی فوائد حاصل ہوں اور جب اِن سے فرصت ملے، یاحکومت کی مدت ختم ہونے سے پہلے کچھ وقت ملے تو بیچارے غریب ووٹروں کے لئے کچھ سوچاجائے، اور مُلک کے ساڑھے 19کڑورعوام کے بجلی گیس اورپانی جیسے مسائل کی جانب توجہ دی جائے، اور اگر امیروں اور مراعات یافتہ طبقے کی خدمت کی وجہ سے مہلت نہ مل سکے تو اگلے2018میں ہونے والے انتخابات تک ٹال کر عوام کو تڑخادیاجائے۔

آج افسوس کی بات یہ ہے کہ جب خود حکمران جماعت کی ایسی سوچ بن جائے تو پھر سوچیں عوامی مسائل کیسے حل ہوں گے..؟؟اور کون حل کرے گا..؟؟آج جس کی ساری توجہ اپنے ذاتی اور اپنے جیسے کاروباروی طبقے کوفائدہ پہنچانے کی ہوجائے اور جن کے خاطرحکومت بیجااقدامات کرے اوراپنے اقدامات سے یہ ثابت کرنے اور کرانے کا سوچ لے کہ یہ جو اور جیساچاہئے مُلک میں کرے اَب اِس سے کوئی پوچھنے والا نہیں ہے تو پھر یہ جوجی چاہئے کرے..؟اِس سے کوئی پوچھنے والانہیں ہے تو پھرکیوں نہ عوام یہ سوچنے اور کہنے لگیں کہ اِس حکومت کے دورِ اقتدارمیں عوامی مسائل کبھی بھی حل نہیں ہوں گے اور ن لیگ کی حکومت سوائے موٹرویز بنانے کے عوام کے درینہ مسائل حل کرنے میں بُری طرح سے کام ہوگئی ہے۔

اگرچہ اِس سے انکار نہیں ہے کہ کراچی سمیت مُلک کے طول وارض میں بجلی بحران شدت اختیارکرچکاہے،اور گرمی کے بڑھنے کے ساتھ ساتھ اِس میں بھی اضافہ ہوتاجارہاہے ،ایسے میں کہنے والوں کا کہناہے کہ مُلک میں لوڈشیڈنگ کا جن بھی بے قابوہوگیاہے، بجلی سے محروم افراد اور لوڈشیڈنگ سے پریشان حل لوگ کراچی سے مُلک کے طول و ارض تک سڑکوں پر نکل آئے ہیں سارے مُلک میں بجلی سے ستائے افراد وزارتِ بجلی و پانی اور محکمہ بجلی واپڈااور کے الیکٹرک کے خلاف مظاہرے کررہے ہیں کہیں گرڈاسٹیشنوں پر حملے توکہیں محکمہ بجلی کے دفاتر کو نقصان پہنچاجارہاہے اورکہیں بجلی کے ستائے مظاہرین اور قانون نافذکرنے والے ادارو ں کے درمیان چھڑپوں اورمظاہرین کی گرفتاریوں کا سلسلہ بھی جاری ہے آج گرمی کے موسم اور ماہِ رمضان میں روزیداروں پر لوڈشیڈنگ کا عذا ب نازل کرنے یا کرانے کے بعد پتہ نہیں کس دل سے وزیراعظم نواز شریف کا یہ کہناہے کہ سحرو افطارکے دوران لوڈشیڈنگ کسی صور ت برداشت نہیں کی جائے گی ‘‘ جس کے بعد وزیربجلی و پانی عابدشیرعلی نے بھی رمضان المبار ک میں بجلی کی مسلسل فراہمی میں ناکامی پر عوام سے معافی مانگ لی ہے اَب دیکھتے یہ ہیں کہ وزیراعظم نوازشریف اپنے اِس حکم پر خود کتناعملدرآمدکراتے ہیں اور عابدشیرعلی بھی عوام سے مانگی گئی معافی پر کب تک قائم رہتے ہیں، ویسے ایسالگ تو نہیں رہاہے کہ یہ دونوں شخصیات یعنی کہ وزیراعظم نوازشریف اپنے کہے پر سو فیصدعمل کروالیں گے اور عابدشیرعلی ایساپھر نہیں کریں گے جس پر اِنہوں نے عوام سے معافی مانگی ہے۔

آج اِس میں کوئی شک نہیں کہ وزیراعظم نوازشریف کے موجودہ دورِ اقتدارمیں مُلک سے بجلی بحران سمیت دیگر بحرانوں کے خاتمے کے لئے اَب تک کیے جانے والے اعلانات و اقدامات اور شروع کئے گئے کسی بھی چھوٹے بڑے منصوبوں(سوائے موٹرویز کی تعمیرکے بعد کچھ مگر درحقیقت کسی) کے بھی ثمرات عوام تک نہیں پہنچ پائے ہیں خاص طور پر ن لیگ کے اِس اقتدارمیں مُلک سے بجلی بحران کے خاتمے سے متعلق عوام سے کئے گئے جتنے بھی وعدے اوردعوے ہیں یہ سب صرف اخبارات اور ٹی وی چینلز کی خبروں اور سُرخیوں تک ہی محدود ہیں آج مُلک سے بجلی کے بحران کے خاتمے کے بارے میں وزیراعظم نوازشریف کی حکومت نے جتنے بھی عوام سے وعدے اور دعوے کئے ہیں اِن کی قلعی تو رواں ماہ رمضان میں آگ برساتے سورج سے بڑھنے والی گرمی کی شدت کے باعث بجلی کی طلب میں ہونے والے اضافے کے ساتھ ہی مُلک کے روزے داروں پر کھل گئی ہے اور روزیداروں کو لگ پتاگیاہے کہ وزیراعظم نوازشریف اور اِن کی حکومت نے مُلک کے غریب عوام کو بجلی بحران سے نجات دلانے اور مُلک سے بجلی بحران کے خاتمے کے لئے کیا اور کیسے اقدامات اور منصوبے شروع کئے ہیں..؟؟ کیوں کہ مُلک بھر میں سحر و افطار میں ہونے والی طویل لوڈشیڈنگ اور دن بھر فنی خرابی کا ڈھونگ رچاکر بجلی بندکئے جانے والے حکومت اور اداروں کے فعلِ شنیع پر قوم کو یہ یقین ہوگیاہے کہ ن لیگ کی حکومت عوام کو بے وقوف بناکراقتدار میں آنے میں تو کامیاب ہوگئی ہے مگراَب یہ اپنے اِسی جھوٹ اور فریب کی وجہ سے کسی بھی حال میں حکومت چلانے کی اہل نہیں ہے ، اَب اِسے عوام کا یہ مطالبہ شدت اختیارکرتاجارہاہے کہ عوام کو دھوکہ دے کر حکومت میں رہنے اور مُلک میں بجلی کے بحران کو قابو اور ختم نہ کرسکنے پر ن لیگ کی حکومت کو اپنی نااہلی تسلیم کرتے ہوئے خود مستعفی ہوجاناچاہئے ورنہ جلدعوام سڑکوں پر نکل کر اقتدارکی کُرسی اِس سے چھین لیں گے۔(ختم شُد)

< PREVIOUS بھارت سے تعلقات کی نوعیت؟ NEXT > نہیں نہیں آئین نہیں ٹوٹنا چاہیے

Comments

23 Jun, 2015

About the Author: Muhammad Azim Azam Azam Read More Articles by Muhammad Azim Azam Azam: 1230 Articles with 971564 views Currently, no details found about the author. If you are the author of this Article, Please update or create your Profile here.

Add Your Article

Article Categories

Politics سیاست Society & Culture معاشرہ اور ثقافت Religion مذہب Other/Miscellaneous متفرق Literature & Humor ادب و مزاح Education تعلیم Health صحت Famous Personalities مشہور شخصیات Science & Technology سائنس / ٹیکنالوجی Novel افسانہ Sports کھیل True Stories سچی کہانیاں Books Intro تعارفِ کتب Travel & Tourism سیر و سیاحت Career کیریر Entertainment انٹرٹینمنٹ Kids Corner بچوں کی دنیا Poetry شعر و شاعری 100 Lafzon Ke Kahani سو لفظوں کی کہانی Young Writers نوجوان قلم کار Arts ہنر Military Democracy سول فوجی جمہوریت Hamariweb Writers Club ہماری ویب رائٹرز کلب Step By Step

Recent Politics Articles

ہائے رے بلوچستان تیری قسمت!

مہاراشٹر : نہ بے فکری نہ مایوسی

ڈونلڈ ٹرمپ کی سیکیورٹی میں نئی جدت: روبوٹ کتے کی تعیناتی

چین کا ایک موئثر عالمی گورننس سسٹم کی تعمیر پر زور

View all Politics Articles