World Health Organisation Nay
13 October Hath Dhunay Kay Din Kay Tour Par Manay Ka Faisla Sader Farmaya Hy.
Hum Bilashuba Iss Baat Par Mutafiq Hein Kay Jitnay Hath Pakistani Dhutay Hein
Shaied Hee Duniya Kay Kici Or Mulk Ka Basion Ko Ye Aizaaz Naseeb Hu Sakay.Ap
Hairat Mein Par Gaye Hun Gay Kay Ye Dawaa Kasay Kar Dia Hum Nay Sahib Pareshaan
Na Hun Na Hee Humaree Aqal Par Matam Kijye Ga .Humari Pakistani Qoum Ka Bacha
Jabh Duniya Mn Ata Hay Us Ko Abhi Hath Pair Ankh Ka Pata Bee Nahi Huta Magar
Hath Ki Dhulaie Suro Hu Jaty Hay Juun Hi Wo Ayaa Atay Hee Bijli Pani Se Hath Dhu
Baitha Hay ,,Jasay Jasay Wo Bara Huta Hay,,Safaiee Suthraiie Achi Khuraak Achi
Taleem Or Sehatmand Mashray Se Hath Dhu Baithta Hay.Mazeed Bara Hunay Kay Baad
Achi Job Or Achay Mustaqbil Se Hath Dhu Baitha Hay .Vote Ka Istemaal Krta Hay Tu
Achay Leader Se Hath Dhu Baithta Hay.Shadi Kar Kay Khushgawaar Zindghee Se Hath
Dhu Baithta Hay.Bv Se Daant Pitkhaar Kay Baad Izzat Se Hath Dhu Baithta Hay .Massom
Sa Shohar Apni Masomiat Ki Wja Se Bv Ki Zyda Trafdaari Kranay Par Beshak Daar
Kar Heee Sahi Tu Maa Behan Bahi Sab Se Hath Dhu Bathta Hay.Makaan Kraye Ka Hu
Karaye Time Par Na De Tu Makaan Se Hath Dhu Baithta Hay Masjid Mein Namaaz Kay
Time Chapal Samnay Na Rkhay Tu Chapal Se Hath Dhu Bathta Hay.Kici Ki Shadi Main
Shareek Hu Or Table Khanay Se Zara Dour Hu Tu Khanay Se Hath Dhu Baithta
Hay.Kabi Bv Kay Samnay Kici Khatoon Ko Dekh Kar Muskara Dey Tu Apni Bateeesee Se
Hath Dhu Baithta Hay.Tu Baat Thi Hath Dhunay Kay Aalmi Din Ki Par Kahien Se
Kahien Nikal Gai Baqool Shaier Baat Hath Dhunay Ki Itnee Bee Sada Nahi ,,,Kay
Hath Dhu Kar Chal Diye Or Saas Nay Danta Bee Na Hu Wesay Bee Saas B Kici Se Kam
Nahi Damaad Kay Pechay Aqsar Asay Hath Dhu Kar Party Hay Jasay Corrupt Leader
Kay Pechay Nab.Baharhaal Humaray Ek Dost Hakeem Jalebi Khan Kay Baqol Hath Dhuna
Zrori Hay Jabh Bee Un Se Melaya Jaye Baat Ap Samjh Gaye Hu Gay Kay Hath Kab Or Q
Dhuya Jata Hay.,,Haath Kanghan Ko Arsee Kia Paray Likhay Ko Pani Se Kia.