پاکستان زندہ باد

(Yasir Rafique, Rawalpindi)
ہمارا پاکستان ہم سب کا پاکستان ، غریب کا پاکستان ، مزدور کا پاکستان،کسان کا پاکستان،وطن میں بسنے والے ہر شہری کا پاکستان ، سب سے پیارا پاکستان ، عالم اسلام کا قلعہ پاکستان،کشمیر فلسطین کی آزادی کا نعرہ پاکستان،ایمان،اتحاد،تنظیم،جہاد فی سبیل الله کا نعرہ لگانے والوں کا پاکستان،پاکستان ہمارا ہے ہم پاکستانی ہیں اقبال نے پاکستان بنانے کا خواب دیکھا اور قائد نے اس خواب کو شرمندہ تعبیر کیا ہمیں پاکستانی ہونے کی پہچان دی بطور پاکستانی ہمارا حق بنتا ہے کہ ہم اس پہچان اور شناخت کو برقرار رکھیں لیکن آج وطن عزیز مشکلات میں گھرا ہے وطن کی سلامتی پر باتیں کی جارہی ہیں جس کا جو جی چاہے وہ پاکستان کو بدنام کرنےکی کوششوں میں لگا ہے کیوں ایسا کیوں ہے کیا ہم محب وطن پاکستانی ہونے کا کردار ادا کر رہے ہیں آج جن لوگوں کو اس ملک نے نام دیا مقام دیا ان لوگوں نے غیر ملکی آقاؤں کو خوش کرنے کے لئے مردہ باد باد کا نعرہ لگایا یہ سرزمین ہماری دھرتی ماں ہے اور جس نے اس کو مردہ باد کہا اس نے ماں کو گالی دی اور جس نے اس گالی پر کوئی ری ایکشن نہیں دکھایا وہ بھی ملک سے مخلص نہیں ہم مردہ باد کہہ کر کیوں لوگوں کو تقسیم کرنے میں لگے ہیں ہم ایک ہیں ہم نے آپس کی نفرتیں مٹانی ہیں ہم نے سندھی، پنجابی، مہاجر کو چھوڑ کر پاکستان زندہ باد کا نعرہ لگانا ہو گا۔ آج ہمارا یہ حال ہے کہ ہم اپنے مذہب میں بھی فرقہ واریت پال رہے ہیں مذہب میں فرقہ واریت، مذہب کے نام پر تشدد اور دہشت گردی پر ہم نے زیادہ توجہ دی مخالفین کچھ بھی کر لیں ان کی سازشیں کامیاب نہیں ہوں گی پاکستان زندہ باد ہے اور رہے گا ہمسایہ ملک بھارت نے حد درجہ کوشش کی کہ وہ پاکستان کو بدنام کریں اورمردہ باد کا نعرہ لگوائے لیکن ان کی تمام تر کوششیں ناکام ہوئیں اور آج بھارت کے زیر انتظام کشمیر میں پاکستان زندہ باد کے نعرے لگائے جارہے ہیں پاکستانی پرچم لہرایا جارہا ہے مقبوضہ کشمیر کے لوگوں کی پاکستان سے حد درجہ محبت ہے اسی محبت کی بناء پر بزرگ راہنماء سید علی گیلانی نے کہا کہ ہم پاکستانی ہیں پاکستان ہمارا ہے آج پاکستان کو بےشمار چیلنجز کا سامنا ہے بیرونی دشمنوں کے ساتھ ساتھ پاکستان کے اندرونی دشمن بھی ملک دشمن سرگرمیوں میں پیش پیش ہیں ان حالات میں اس دھرتی کے ہر شہری کا فرض بنتا ہے کہ وہ ملک دشمن عناصر کے خلاف ہر اول دستے کا کردار ادا کرے ملک دشمن عناصر کو یہاں سے نکال باہر کریں کیونکہ ہماری شناخت پاکستان ہے ہماری پہچان پاکستان ہے اس وطن کا محافظ خدا ہے اور پاکستانی عوام ہیں پاکستان انشاءاللہ قیامت تک زندہ باد رہے گا، مردہ باد کہنے والے مردہ ہوجائیں گے، نیست و نابود ہوجائیں گے پاکستان ہم سب کا پاکستان،پاکستان زندہ باد
Comments Print Article Print
 PREVIOUS
NEXT 
About the Author: Yasir rafique

Read More Articles by Yasir rafique: 25 Articles with 13358 views »
یاسر رفیق کا تعلق پاکستان سے ہے صحافی اور کالم نگار ہیں پاکستان کے نوجوانوں کو پڑھا لکھا دیکھنا چاہتے ہیں پاکستان میں تعلیم کی بہتری چاہتے ہیں یاسر ر.. View More
21 Oct, 2016 Views: 463

Comments

آپ کی رائے